माओवादी सत्तामोहले संक्रमण लम्बिएको खनालको दाबी

२४ भाद्र २०६९, आईतवार ०६:५० मा प्रकाशित

काठमाडौं, २४ भदौ । नेकपा एमालेका अध्यक्ष झलनाथ खनालले संविधान सभाबाट संविधान घोषणा गर्नसक्ने अवस्था रहँदारहँदै पनि एमाओवादीको ढिपीका कारण संविधान सभा विघटन भएको बताएका छन्।उनले विद्यमान राजनीतिक गतिरोधको अन्त गर्न लोकतन्त्र चाहने शक्तिबीच राष्ट्रिय सहमति अपरिहार्य रहेकोमा पनि जोड दिए।
पार्टीको विशेष समन्वय कमिटी (महिला विभाग)ले तीजका अवसरमा आयोजना गरेको सांस्कृतिक कार्यक्रमलाई सम्बोधन गर्दै उनले एमाओवादीको सत्तामोहका कारण संविधान आउन नसकी अहिले मुलुकको सङ्क्रमणकाल लामो हुन गएको स्पष्ट पारे।
साहित्यकार मोदनाथ प्रश्रितले प्राचीन समयमा तीज पर्वमा धर्मसँग जोडेर गीत गाउने प्रचलन रहेको भए पनि अहिले राजनीतिक र सामाजिक रुपान्तरणका लागि अभिव्यक्तिको सशक्त माध्यमका रुपमा तीज गीत प्रयोग हुँदै आएको चर्चा गरे।
पार्टीका नेताहरू अष्टलक्ष्मी शाक्य, गङ्गालाल तुलाधर लगायतले सांस्कृतिक पर्वका रुपमा महत्वपूर्ण रहेको तीजले महिला समुदायलाई सङ्गठित गरी महिला अधिकारलाई सुनिश्चित गर्न सहयोग पुर्‍याउने उल्लेख गरे। रासस

प्रतिक्रिया
सम्बन्धित खवर

केदार मगर, खोटाङ । साकेला गाउँपालिका–५ मात्तिमविर्तालाई केन्द्रविन्दु बनाएर आइतबार गएको भूकम्पले हालसम्म जिल्लाभर दुई विद्यालय भवन, एक प्रहरी चौकी

म्याग्दी । म्याग्दीका पौढ महिलाहरूले बुढ्यौलीमा माध्यमिक शिक्षा परीक्षा (एसइई) उत्तीर्ण गरेर पढाइलाई उमेरले नछेक्ने भनाइलाई चरितार्थ गर्नुभएको छ ।

नवलपुर । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व)को दाउन्नेमा यात्रुबाहक बसमा आगलागी हुँदा ३३ यात्रु घाइते भएका छन् । आज बिहान साढे

काठमाडौं । जापानका पूर्वप्रधानमन्त्री सिन्जो आबेमाथि शुक्रबार बिहान नारा सहरमा आक्रमण भएको छ । सभालाई सम्बोधन गर्ने क्रममा उनीमाथि गोली प्रहार