नयां अमेरिकी राजदूतको काठमाडौं आगमन

२४ भाद्र २०६९, आईतवार ०५:४२ मा प्रकाशित

काठमाडौं, २४ भदौ । नेपालका लागि संयुक्त राज्य अमेरिकाका नवनियुक्त राजदूत पिटर डब्लु. बोडी काठमाडौं आइपुग्नुभएको छ । स्कट एच डेलिसी युगाण्डा गएपछि उहांको स्थानमा जिम्मेवारी सम्हाल्न बोडी नेपाल आएनुभएको हो । असारमा अमेरिकी सिनेटले बोडीको नाम अनुमोदन गरेको थियो । नेपाल आउनुअघि उहां वगदाद (इराक)स्थित अमेरिकी दूतावासमा असिस्टेन्स ट्रान्जिशनका असिस्टेन्ट चीफ अफ मिसनका रुपमा कार्यरत हुनुहुन्थ्यो ।
सन् २००८ देखि २०१० सम्म मलावीका लागि अमेरिकी राजदूतको कार्यभार सम्हाल्नुभएका बोडी सन्२००६ देखि २००८ सम्म इस्लामावादस्थित अमेरिकी दूतावासमा डेप्युटी चीफ अफ मिसनका रुपमा कार्यरत हुनुहुन्थ्यो ।
सन् १९८१ मा परराष्ट्र सेवामा प्रवेश गर्नुहुने राजदूत बोडीले काठमाडौंमा दुईपटक (सन् १९९४–१९९७ मा डेप्युटी चीफ अफ मिसनका रुपमा र सन् १९८२–१९८४ मा सहचारीका रुपमा) र भारतको नयांदिल्लीमा मिनिस्टर काउन्सेलर फोर एडमिनिस्ट्रेटिभ अफेयर्सका रुपमा कार्य गरिसक्नुभएको जनाइएको छ । गायानाको जोर्जटाउन, जर्मनीको ह्याम्बर्ग, बुल्गेरियाको सोफिया र डेनमार्कको कोपनहेगनमा पनि उहांले काम गरिसक्नुभएको छ । यस्तै सन् २००२ देखि २००६ सम्म उहां जर्मनीको फ्र्याङकफर्टस्थित अमेरिकी महावाणिज्य दूतावासमा महावाणिज्यदूतको पदमा कार्यरत हुनुहुन्थ्यो ।
वाशिङगटन डिसीस्थित अमेरिकी विदेश मन्त्रालयमा पनि विभिन्न पदहरु सम्हाल्नुभएका बोडी पछिल्लो पटक व्यवस्थापन नीतिको कार्यालयका डाइरेक्टर हुनुहुन्थ्यो । जर्मन र बुल्गेरियन भाषामा दखल राख्नुभएका उहां नेपाली भाषासमेत बोल्न जान्नुहुन्छ ।

प्रतिक्रिया
सम्बन्धित खवर

रोल्पा । रोल्पा जिल्लामा नेपाली कांग्रेसले १० वटा नगरपालिका र गाउँपालिकामा अधिवेशन सर्वसम्मत चयन गरेको छ । शनिबार सम्पन्न अधिवेशनमा

काठमाडौैँ । गैरआवासीय नेपाली संघ (एनआरएनए)को अध्यक्ष पदका लागि कुल आचार्यले उम्मेदवारी घोषणा गरेका छन् । आइतबार उम्मेदवारी घोषणा गर्दै

काठमाडौं। हरेक वर्ष २६ सेप्टेम्बरका दिन अन्तर्राष्ट्रिय परमाणु हतियार निर्मूल दिवस मनाइन्छ । संयुक्त राष्ट्रसंघको महासभाले डिसेम्बर २०१३ मा २६

काठमाडौ ।नेपाली कांग्रेसको १४औं महाधिवेशनअन्तर्गत अहिले विभिन्न जिल्लामा पालिका तहको अधिवेशन जारी छ । शनिबारदेखि ५४ जिल्लामा पालिका तहको अधिवेशन