मुख्यसचिवलाई कालो झण्डा

काठमाडौं, २२ भदौ । निजामति सेवा दिवसका अवसरमा सामान्य प्रशासन मन्त्रालयमा आयोजित कार्यक्रममा कर्मचारीहरुबीच नै विवाद भएको छ । निजामतिसरह सेवा–सुविधाको माग गर्दै आएका अस्थायी र ज्यालादारी कर्मचारीहरुले माग पूरा नभएको भन्दै कार्यक्रममा मुख्यसचिव लिलामणि पौडेललाई कालो झण्डा देखाउने क्रममा विवाद उत्पन्न भएको हो ।
त्यस्ते पुरस्कार वितरणमा सरकारले आफूखुसी निर्णय गरेको भन्दै अधिकांश कर्मचारी संगठन विरोधमा उत्रिएपछि कार्यक्रमस्थल केहीबेर तनावग्रस्त भएको थियो । मूख्यसचिव पौडेललाई कालोझण्डा देखाउने क्रममा प्रहरीले केहीलाई कार्यक्रम स्थलबाट नियन्त्रणमा लिएर केहीबेरमा छोडेको थियो ।