‘एमाओवादी र मधेसी मोर्चाको दुर्नियतले संविधान बन्न दिएन’ : एमाले

२२ भाद्र २०६९, शुक्रबार ०८:२५ मा प्रकाशित


काठमाडौं, २२ भदौ । नेकपा एमाले एकीकृत माओवादी लगायत अन्य दलको उद्देश्यमै रहेको भिन्नताका कारण संविधानसभा असफल भएको ठहर गरेको छ । पार्टीका तर्फबाट संविधानसभाको चारवर्षे कार्यकालको स्वेतपत्र जारी गर्दै विशेषगरी एमाओवादी र मधेसी मोर्चाको गठबन्धनको दुर्नियतका कारण अन्तिम समयमा संविधानसभा विघटन हुन पुगेको निश्कर्ष निकालेको हो ।
‘माओवादी र अन्य दलको उद्देश्यमा रहेको भिन्नता संविधानसभाको निर्वाचनदेखि नै सुरु भएको अविश्वासको श्रृंखला र शान्तिप्रक्रियामा भएको विलम्व पनि संविधानसभा विघटनका कारणहरु हुन्’, एमालेले भनेको छ । संविधान निर्माणभन्दा बढी सरकार परिवर्तनको संसदीय भूमिकामा केन्द्रित हुने स्थितिले पनि संविधानसभा विघटन भएको एमालेको निश्कर्ष छ ।
सो पार्टीले संविधानसभा विघटनसम्बन्धी प्रतिवेदन (स्वेतपत्र) तयार गर्न २ महिनाअगाडि कार्यदल बनाएको थियो । सचिव शंकर पोखरेल नेतृत्वको कार्यदलले बिहिबार पार्टीअध्यक्ष झलनाथ खनाललाई स्वेतपत्र बुझाएको हो । केन्द्रिय समितिमा छलफलपछि स्वेतपत्रको सम्पूर्ण विवरण सार्वजनिक गरिने एमालेले जनाएको छ । नेतृत्वले सभासदहरुको भूमिकालाई अवमूल्यन गर्नु, महत्वपूर्ण विषयमा गम्भीर हस्तक्षेप गरेर राजनीतिक अगुवाई गर्न नसक्नुजस्ता कमजोरीहरुलाई पनि स्वेतपत्रमा औंल्याइएको छ ।
बैशाख २१ र जेठ २ का सहमतिले शान्तिप्रक्रिया र संविधान निर्माणको विश्वसनीय आधार सिर्जना गरेपछि कांग्रेस र एमाले माओवादी नेतृत्वको सरकारमा सहभागी भएको एमालेले उल्लेख गरेको छ । तर उक्त सहमति माओवादीले उलंघन गर्दा संविधान बन्न् नसक्ने अवस्था पैदा भएको एमालेले ठहर गरेको छ ।

प्रतिक्रिया
सम्बन्धित खवर

दक्षिण पश्चिम चीनको तिब्बत स्वायत्त क्षेत्रको उच्च उचाई भएका स्थानहरूबाट नाग्कु शहरमा कूल १७ हजार ५५५ व्यक्तिलाई टाढा सारिने तिब्बती

गृहमन्त्री बालकृष्ण खाणले संसद्मा विचाराधिन रहेको नागरिकता विधेयकलाई दलको सहमतिमा अघि बढाउने प्रयत्नमा सरकार लागेको बताउनुभएको छ । विधेयक अघि

काठमाडौं । नेपालले अमेरिकालाई अमेरिकाको ‘स्टेट पार्टनरसिप प्रोग्राम’ एसपीपीमा आबद्ध नहुने निर्णय पठाएको छ । गृहमन्त्री वालकृष्ण खाँणका अनुसार एसपीपीमा

काठमाडौं । नेकपा एमालेका महासचिव शंकर पोखरेलले नेपाली काँग्रेस नेतृत्वको गठबन्धनबाट समाजवाद सम्भव नुहने बताएका छन् । सोमबार नरबहादुर कर्मचार्य

आजको प्रमुख समाचार