बैंगलोरको विजयी सुरुवात

२८ चैत्र २०७७, शनिबार ०९:०३ मा प्रकाशित

नयाँदिल्ली । १४औँ संस्करणको इन्डियन प्रिमियर लिग (आइपिएल) मा रोयल च्यालेञ्जर्स बैंगलोरले विजयी सुरुवात गरेको छ । शुक्रबार भएको उद्घाटन खेलमा बैंगलोरले डिफेन्डिङ च्याम्पियन मुम्बइ इन्डियन्समाथि २ विकेटको जित हात पारेको हो ।

१ सय ६० रनको लक्ष्य पाएको बैंगलोरले अन्तिम बलमा पूरा गर्दै जित हासिल गरेको हो । बैंगलोरको जितमा दक्षिण अफ्रिकाका ब्याट्सम्यान एबी डि भिलियर्सले ४८ रन बनाए । अन्तिम ओभरमा ७ रन चाहिएको अवस्थामा पहिलो बलमा एबी डि भिलियर्सले १ रन लिए ।

दोस्रो बलमा हर्शल पटेलले २, तथा तेस्रो बलमा १ रन लिँदै एबी डि भिलियर्सलाई स्ट्राइक दिए । माक्रो जनसिनको बलमा दुई रन लिन खोज्दा उनी रनआउट भए । यस्तै, दुई बलमा मोहम्मद सिरज पटेलले ११ बनाउँदै जित सुनिश्चित गरे ।

अष्ट्रेलियन अलराउन्डर ग्लेन म्याक्सवेलले ३९ तथा कप्तान विराट कोहलीले ३३ रनको योगदान दिए । नियमित ओपनर बिन मैदानमा उत्रिएको बैंगलोरका लागि कोहलीसँग ३६ रनको साझेदारी गरेका वासिङ्टन सुन्दर १० रनमा आउट भए ।

मुम्बइका माक्रो जनसिन र जसप्रीत बुम्राहले समान २-२ तथा ट्रेन्ट बाेल्ट र क्रुणाल पाण्ड्याले एक-एक विकेट लिए । यसअघि, मुथैया अन्नामलाई चिदम्बरम स्टेडियम चेन्नइमा टस हारेर पहिले ब्याटिङको निम्तो पाएको मुम्बइले निर्धारित २० ओभरमा ९ विकेटको क्षतिमा १ सय ५९ रन बनाएको थियो ।

मुम्बइले सुरुवात राम्रो गरेपनि मध्य र तल्लो क्रममा ब्याट्सम्यानहरुले उल्लेखनीय रन बनाउन नसक्दा मध्यम स्कोर बनाउन सक्यो । मुम्बइका क्रिस लिनले सर्वाधिक ४९ रनका पारी खेले । यस्तै, सूर्य कुमार यादवले सर्वाधिक ३१ तथा इशन किसनले २८ रन जोड्दा कप्तान रोहित शर्माले १९ र हार्दिक पाण्ड्याले १३ रन बनाए ।

बैंगलोरका हर्शल पटेलले सर्वाधिक ५ विकेट लिए । यस्तै, वासिङ्टन सुन्दर र काइल जेमिसनले एक-एक विकेत हात पारे भने मुम्बइका दुई ब्याट्सम्यान रनआउट भए । मुम्बइमाथिको जितसँगै बैंगलोरले तालिकामा दुई अंक जोडेको छ ।

प्रतिक्रिया
सम्बन्धित खवर

लन्डन । इंग्लिस प्रिमियर लिग फुटबलमा म्यानचेस्टर युनाईटेडले पुनरागमन जित निकालेको छ । गएराति भएको खेलमा युनाईटेडले १० खेलाडीमा सिमित

लन्डन । म्यानचेष्टर युनाइटेड रोमालाई पराजित गर्दै युईएफए युरोपा लिगको फाइनलमा प्रवेश गरेको छ । त्यसैगरी स्पेनिस क्लब भिल्लारियल आर्सनललाई

लन्डन । इंग्लिस क्लब चेल्सीले यूईएफए च्याम्पियन्स लिग फुटबलको फाइनलमा प्रवेश गरेको छ । गएराति भएको सेमिफाइनलको दोस्रो लेगमा रियल

जोसे मोरिन्हो इटालियन क्लब रोमाको प्रशिक्षकमा नियुक्त भएका छन् । टोटनह्यामको प्रशिक्षकबाट बर्खास्त भएका जोसे केही हप्ता भित्रै रोमाको प्रशिक्षकमा