आदिवासी–जनजातीद्वारा आन्दोलन चेतावनी

२१ भाद्र २०६९, बिहीबार १८:०२ मा प्रकाशित

 काठमाडौं, २१ भदौ । आदिवासी जनजाति संयुक्त संघर्ष समितिले नेपाल सरकारलाई आफूहरुसँग भएको ९ बुँदे सहमति कार्यान्वयनका लागि एक महिने अल्टिमेटम दिएको छ । संघर्ष समिति र नेपाल सरकारवीच गत जेष्ठ ९ गते भएको सहमति कार्यान्वयनका लागि असोज मसान्तसम्मको अल्टिमेटम दिइएको हो । विहिबार राजधानीमा पत्रकार सम्मेलन गरेर संघर्ष समितिले ९ बुँदे सहमति कार्यान्वयन र वर्तमान राजनीतिक संकटको निकास नखोजिएमा असोज मसान्तपछि सशक्त आन्दोलनमा उत्रने चेतावनी समेत दिएको छ । संघर्ष समितिले मुलुकमा आदिवासी–जनजाति, मधेशी, दलित, उत्पीडित वर्ग र समिान्तीकृत क्षेत्रका जनताले खोजेको पहिचानसहितको संघीयताविरुद्धमा षड्यन्त्र भएको भन्दै आन्दोलनको विकल्प नरहेको समेत स्पष्ट पारेको छ । पत्रकार सम्मेलनमा ताम्सालिङ नेपाल राष्ट्रिय दलका अध्यक्ष पर्शुराम तामाङले आफूहरुसँग भएको ९ बुँदे सहमति कार्यान्वय गर्न एक महिनाको अल्टिमेटम दिएको जानकारी दिंदै सो समय–सीमाभित्र माग सम्बोधन नभए अधिराज्यभर आन्दोलनको जेहाद छेड्ने चेतावनी दिए । संघर्ष समितिका अध्यक्ष राजभाइ जकःमीले ठूला दलका नेताहरुका कारण आफूहरुसँग भएको ९ बुँदे सहमति कार्यान्वयन हुन नसकेको ठोकुवा गर्दै राज्यले असोज मसान्तभित्र कार्यान्वयन नगरे सुरु हुने आन्दोलनबाट हुने क्षतिको स्वयं सरकार जिम्मेवारी हुनुपर्ने चेतावनी दिए ।

प्रतिक्रिया
सम्बन्धित खवर

लण्डन । कोरोना संक्रमणले तीन साताभित्र विदेशमा पछिल्ला तीन साताभित्र थप ३९ जना नेपालीको निधन भएको छ । गैरआवासीय नेपाली

काठमाडौँ । नेकपा एमालेका अध्यक्ष केपी शर्मा ओलीले माधवकुमार नेपाललगायतलाई पार्टीमा कुनै ठाउँ नभएको बताएका छन् । काठमाडौँ जिल्ला कमिटीको

काठमाडौं । सरकारले कोरोना भाइरस सङ्क्रमणविरुद्धको खोप आगामी असोजमसान्तसम्म एक करोड ८३ लाख ८२ हजार ८५० मात्रा ल्याउने भएको छ

झापा । विर्तामोडको एउटा होटलमा २२० डोज भेरोसिल खोपसहित स्वास्थ्य शाखा विर्तामोडका फोकल पर्सन ओमबहादुर खड्कालाई प्रहरीले नियन्त्रणमा लिएको छ