विद्युत प्राधिकरणका दुई दर्जन कर्मचारी एकसाथ निलम्वनमा

२१ भाद्र २०६९, बिहीबार १०:०५ मा प्रकाशित


काठमाडौं, भदौ २१ । विद्युत ट्रान्सफर्मर खरिदमा गुणस्तरहीन सामान झिकाई भ्रष्टाचार गरेको भन्दै खरिदअघि निरिक्षणका लागि विदेश जाने झन्डै २ दर्जन कर्मचारीलाई नेपाल विद्यूत प्राधिकरणले निलम्बन गरेर कारबाही गर्ने भएको छ । चीनबाट ल्याइएको ट्रान्सफर्मरभित्र तामा हुनुपर्नेमा आल्मुनियम भेटिएपछि प्राधिकरण सञ्चालक समितिले त्यसको खरिद प्रक्रिया र गुणस्तर निरीक्षण गरेर ठीक रहेको प्रतिवेदन दिने सबैलाई कारबाही गर्ने तयारी गरेको हो ।
२०६२ सालपछि खरिद गरिएका विदेशी ट्रान्सफर्मरबाट बढी बिजुली चुहावट भएको, लोड धान्न नसक्ने, पड्किने लगायतका समस्या भएपछि छानबिन सुरु भएको थियो । सञ्चालक समितिका सदस्य कृष्णप्रसाद दुलालको संयोजकत्वमा गठन भएको छानबीन समितिले ट्रान्सफर्मर गुणस्तरहीन भएको उल्लेख गर्दै कर्मचारीमाथि कारबाही गर्नुपर्ने प्रतिवेदन दिएको थियो  ।
अहिलेसम्मको अध्ययनबाट २५ देखि ३० जना कर्मचारी अनुसन्धानको दायराभित्र परेको र उनीहरुलाई निलम्बन गर्न व्यबस्थापनलाई निर्देशन दिइएको अनुसन्धानमा संलग्न एक सदस्यले जानकारी दिए । गुणस्तरहीन ट्रान्सफर्मर बनाएर प्राधिकरणलाई बेच्ने कम्पनीसंगको कारोबार स्थगित गर्ने निर्णय पनि प्राधिकरणले गरेको छ । प्राधिकरणका सदस्य कृष्णप्रसाद दुलाल समितिले थाइल्यान्डको सहवन्त इलेक्ट्रिक लिमिटेड, चीनको सेनयाङ डोइजेङ इलेक्ट्रिसिटी, एसभीआर इलेक्ट्रिसिटी, हुवेइ सनलाइट र निग्बो एयुएक्स हाइटेक्नोलोजीसंग सबै कारोबार बन्द गर्ने निर्णय गरेको छ । यी कम्पनीहरुविरुद्ध क्षतिपूर्ति मुद्दासमेत दर्ता गर्ने तयारी प्राधिकरणले गरेको छ ।
चीनको हुवेई सनलाइट कम्पनीको ट्रान्सफर्मर खोलेर हेर्दा भित्र तामा हुनुपर्ने ठाउंमा आल्मुनियम भेटिएको थियो । गम्भीर लापरबाही र अनियमितता देखिएपछि संलग्न सबैलाई कारबाही गर्नुपर्ने निष्कर्षमा प्राधिकरण पुगेको हो । घटनालाई सात वर्षदेखि गुपचुप राखिएको र अहिले खुलासा भएपछि त्यतिखेरदेखिका उच्च व्यवस्थापनलाई समेत कारबाही गरी असुलउपर गर्नुपर्ने निश्कर्षमा प्रधिकरण पुगेको बताइएको छ । प्राधिकरणले चीन र थाइल्यान्डबाट २०६२ सालदेखि अहिलेसम्म ४ हजार ६ सय ५७ वटा ट्रान्सफर्मर किनेको थियो । स्रोतका अनुसार ती ट्रान्सफर्मरहरुको क्षमता सानो भए पनि बाहिर बढी क्षमताको स्टिकर राखेर प्राधिकरणलाई बेचिएको थियो ।

प्रतिक्रिया
सम्बन्धित खवर

काठमाडौँ । देशभर आंशिकदेखि सामान्य बदली रही तीन प्रदेशमा भारी वर्षा हुने भएको छ । जल तथा मौसम विज्ञान विभागका

काठमाडौँ । काठमाडौँको बालाजुमा रहेको जुत्ता कारखानामा आगलागी भएको छ ।काठमाडौँ महानगरपालिका–१६ बालाजु बाइपास नजिकको एक घरमा केहीबेर अगाडि आगलागी

काठमाडौँ । राष्ट्रिय सूचना आयोगले सूचना नदिने ३३ कार्यालय प्रमुखलाई कारबाही गरेको छ । आयोगले सूचनाको हकसम्बन्धी ऐन, २०६५ को

नुवाकोट । शनिबार विहान भुकम्पको धक्का महसुस भएको छ । आज बिहान ५ बजेर २६ मिनेट जाँदा  भुकम्पको धक्का महसुस