कोइराला वली भेटवार्ता

१९ भाद्र २०६९, मंगलवार १८:०६ मा प्रकाशित

काठमाडौं, १९ भदौ । नेपाली काँग्रेसका सभापति सुशील कोइराला र नेकपा ९एमाले०का नेता केपी शर्मा ओलीबीच आज भेटबार्ता भएको छ। कोइराला निवास महाराजगन्जमा भएको भेटमा मुलुकको पछिल्लो राजनीतिक गतिरोधको समाधान, राष्ट्रिय सहमतिको सरकार गठनलगायतका विषयमा छलफल भएको हो।
सभापति कोइलाका प्रेस सल्लाहकार विपुल पोखरेलका अनुसार मुलुकको गतिरोध छिटो अन्त्य गर्नेबारेमा दुई नेताबीच परामर्श भएको हो। सभापति कोइराला र नेता ओलीबीच राजनीतिक गतिरोध अन्त्यका लागि कामचलाउ सरकारका प्रधानमन्त्री बाबुराम भट्टराईले पद त्याग नगर्दासम्म एकीकृत नेकपा (माओवादी)ले अघि सारेका विकल्पमा जान नसकिने सहमति भएको जनाइएको छ।
प्रधानमन्त्री भट्टराईले पदत्याग गरेर मार्ग प्रशस्त गरेपछि संविधानसभा पुनःस्थापना गर्ने वा नयाँ निर्वाचनमा जाने भन्ने विषयमा छलफल गर्न सकिनेबारे दुई नेताबीच कुराकानी भएको पनि प्रेस सल्लाहकार पोखरेलले जानकारी दिए।
राजनीतिक दलबीच पछिल्लो समयमा भएको वार्तामा भदौ महिनाभित्रै राजनीतिक गतिरोधको अन्त्यका लागि दलहरुले प्रयास गर्ने सहमति भएको केही समयलगत्तै आज सभापति कोइराला र नेता ओलीबीच भेटवार्ता भएको हो।
भेटपछि सञ्चारकर्मीसँग कुरा गर्दै एमाले नेता ओलीले मुलुकको राजनीतिक र संवैधानिक सङ्कट समाधानका लागि सहमति खोज्नेबारेमा आफूहरुबीच कुराकानी भएको बताए। ( रासस)

प्रतिक्रिया
सम्बन्धित खवर

काठमाडौं । काठमाडौंको पश्चिम उत्तरतर्फ पर्ने नागार्जुनको जंगलमा डढेलो लागेको छ । नागार्जुनस्थित शिवपुरी राष्ट्रिय निकुञ्जको जंगलमा लागेको डढेलो निभाउनका

काठमाडौं । नेकपा (एमाले) झलनाथ खनाल र माधव नेपाल समूहले कञ्चनपुर जिल्ला कमिटी अध्यक्षमा तारा लामा, उपाध्यक्ष जीवन राज थापा,

काठमाडौं । नेकपा एमलेका नेता भीम रावलले तक्मामा चुच्चे नक्सा नराख्नुको कारणबारे प्रश्न उठाउनु भएको छ ।रावलले प्रधानमन्त्रीले यसबारे तुरून्त

काठमाडौं । सिरहाको लाहान नगरपालिका–२२ गड्डा चोकमा लुटेराको एक समुहले गोली प्रहार गरी एक जनाको हत्या गरेको छ । सुनचाँदी