संवैधानिक राजतन्त्र र हिन्दु राज्य बन्यो राप्रपा एकतामा बाधक

१९ भाद्र २०६९, मंगलवार ०६:३० मा प्रकाशित

काठमाडौं, १९ भदौ । केही वर्षअघिदेखि चल्दै आएको राष्ट्रिय प्रजातन्त्र पार्टी, राप्रपा जनशक्ति र राप्रपा नेपालबीच नजिक पुगिसकेको भनिउको एकीकरण प्रक्रिया फेरि खल्बलिएको छ । यसपटक एकता भएरै छाड्छ भन्ने सम्बन्धित तीनै पार्टीका नेताहरुको दाबीविपरित एकता वार्त प्रक्रिया भांडिन पुग्नुमा संवैधानिक राजतन्त्र र हिन्दू राज्य विषय वाधक बनेको बुझिएको छ । पार्टी एकताका लागि राप्रपा नेपालका अध्यक्ष कमल थापाले ती विषयहरुमा सम्झौता गर्न नसकिने अडान राख्दै आएका छन् भने अन्य दुई राप्रपाका शीर्ष नेतृत्वले वर्तमान अन्तरिम संविधानको परिधिमा रहेर एकता गरिनुपर्ने तर्क गर्दैआएको छ । सोमबारको वार्तामा उल्लेखित विषयमा दुबैपक्षले आआफ्नो अडान नछोडेपछि कमल थापाले वार्ता नै त्यागेर हिंडेका थिए । बुझिएअनुसार राजपा अध्यक्ष सूर्यबहादुर थापा र राप्रपा अध्यक्ष पशुपति शमशेर जबरा संवैधानिक राजतन्त्रको विपक्षमा विशेष रुपमा प्रस्तुत हुंदै आएका छन् । दक्षिणी छिमेकीको विशेष अरोटअनुसार उनीहरु त्यस सोचमा रहेको सुत्रको दाबी छ । अन्तरिम संविधान ०६३ बमोजिम मात्रै महाधिवेशनमा प्रस्ताव लग्न सकिने सहमति बहुमतले पास भएपछि थापाले एकता वार्ता बहिष्कार गरेपछि पार्टी एकीकरणको सम्भावना हालका लागि टरेको बताइएको छ ।
तीन पूर्व पञ्चहरुको दलवीच आइतवारबाट राष्ट्रिय जनशक्ति पार्टीका अध्यक्ष सूर्यवहादुर थापाको निवास मालिगाउँ चलेको एकता वार्तामा यसअघि भएको सहमति बहुमतले पारित भएपछि त्यसप्रति असहमति जनाउँदै राप्रपा नेपालका अध्यक्ष थापाले सोमवार वार्ता बहिष्कार गरेका हुन् । राजतन्त्र लगायतका सवै मुद्दाहरु महाधिवेशनमा लगेर टुंग्याउनुपर्ने कमल थापाको प्रस्तावलाई भने राजपा र राप्रपाले अस्वीकार गरे । राजपा र राप्रपाले भने अन्तरिम संविधान ०६३ विपरित गए जनताको आन्दोलनबाट प्राप्त उपलब्धीहरु गुम्ने भएकाले कमल थापाको प्रस्ताव आफूहरुलाई अस्वीकार्य रहेको बताएका छन् ।
थापाले वैठक बहिष्कार गरे पनि राप्रपा नेपालका लागि पार्टी एकताको ढोका खुला रहेको र राप्रपा राजपा एकता प्रक्रियाचाहिं जारी रहने बताइएको छ ।

प्रतिक्रिया
सम्बन्धित खवर

काठमाडौं । भ्रष्टाचार गरेको आरोपमा निलम्बित सहसचिव चुडामणि शर्मा विशेष अदालतमा उपस्थित भएका छन् । कर फर्छ्यौट आयोगका सदस्य सचिव

काठमाडौं ।सत्तारुढ दल नेपाली कांग्रेसको १४औं महाधिवेशन नजिकिँदै गर्दा प्रवक्ता विश्वप्रकाश शर्माले महामन्त्री पदमा प्रतिस्पर्धा गर्ने घोषणा गरेका छन् ।

काठमाडौं ।प्रमुख प्रतिपक्षी दल नेकपा एमालेले प्रतिनिधिसभा बैठकमा दिनदिनै नाराबाजी गरेर निहुँ खोज्न थालेपछि सभामुख अग्निप्रसाद सापकोटाले ‘एक्सन’ थालेका छन्

न्यूयोर्क । परराष्ट्रमन्त्री डा. नारायण खड्काले नेपाली समय अनुसार आज मध्यरातमा राष्ट्रसंघीय महासभामा सम्बोधन गर्ने भएका छन् । परराष्ट्र मन्त्रालयका