सन्तानले हेला गरेपछि पेट चिरेर आत्महत्याको प्रयास

१८ भाद्र २०६९, सोमबार ०६:२० मा प्रकाशित

काठमाडौं, १८ भदौ । आफ्ना सन्तानले बुढेसकालमा पालनपोषण नगरेपछि चित्त दुखाउंदै बाग्लुङका एक वृद्धले आत्महत्याको प्रयास गरेका छन्। श्रीमती गुमाइसकेका बुर्तिवाङ २ शेराका ६४ वर्षीय काशिराम महतले एक्लो जीवन जिउन गाह्रो भएको भन्दै आइतबार आत्महत्याको प्रयास गरेका बताइएको छ। महतले ब्लेडले आफ्नै पेट चिरेर आत्महत्याको प्रयास गरेको ईलाका प्रहरी कार्यालय बुर्तिवाङले जनाएको छ।
छोराले बेवास्ता गरेपछि बुढेसकालमा हेरचाह गर्ने कोही नभएको भन्दै वृद्ध काशीरामले दारी काट्ने ब्लेडले पेट चिरेको प्रहरी निरिक्षक दुर्गा बहादुर श्रेष्ठले बताए। सन्तानले हेला गरेकाले बाच्ने मन नभएर ब्लेडले पेट चिरेर मर्ने तयारी गरेको हुं भन्ने बयान वृद्धले दिएको प्रहरीले जनायो । घाइते महतको पेटमा करिब २२ टाँका लगाइएको छ।
महतका एक छोरा तराई तिर बसाई सरेका छन्। एक छोरी भारत पलायन भएको र अर्की छोरीको बिहे भएपछि एक्ला थिए। अहिले आफन्तकोमा बस्दै आएका थिए। फोक्सो र कलेजोको समस्याबाबाट पीडित महत आफ्नै छोराबाट सहयोग नपाएपछि निकै तनाबमा थिए।

प्रतिक्रिया
सम्बन्धित खवर

काठमाडौं । भारत भ्रमणमा रहेका पूर्वराजा ज्ञानेन्द्र शाहले नयाँ वर्ष २०७८ को शुभकामना सन्देश दिएका छन् । शुभकामना सन्देशमा पूर्व

काठमाडौँ । राष्ट्र बैङ्ककी निर्देशक सुष्मा रेग्मी रिजाललाई कारागार पठाइएको छ । ज्येष्ठ नागरिक सम्बन्धी कसुर मुद्दामा काठमाडौँ जिल्ला अदालतको

काठमाडौ । कुम्भ मेलामा सहभागी हुन भारतको हरिद्वार पुगेका पूर्वराजा ज्ञानेन्द्र शाह शाही स्नानको रथयात्रामा सहभागी भएका छन् । भारतको

भक्तपुर । मध्यपुरथिमि नगरपालिका बोडेमा हरेक नयाँ वर्षको वैशाख २ गते मनाइने प्रसिद्ध ‘जिब्रो छेड्ने जात्रा’ मा यस वर्ष आठाँै