English
Immigration
३ चैत्र २०६८, शुक्रबार १५:१८ मा प्रकाशित
विश्वदर्शन नेपाल
आँगनिमा फूल्ने गर्या पैयुका ति फूल सम्झे
त्यस्मा आई खेल्न खोज्ने भँगेराका हूल सम्झे ।।
हराए झै लाग्छ आज यता उता बिरानोमा
कता कता मैले पिउने पानीको त्यो मूल सम्झे ।।
बारी भरि जमेका छन तुषारोका ढिक्काहरु
त्यसै सङ्ग रमाएर गरेका क्यै भूल सम्झे ।।
मन भित्र मन बाहिर चिसो चिसो हावा चल्छन्
आँधी हुरि बतासाले उडाएका धूल सम्झे ।।
निकै काठिन लाग्दैछ हो जिन्दगीको खोला तर्न
हात समाइ काटेको साँघुरो त्यो पूल सम्झे ।।
आँगनिमा फूल्ने गर्या पैयुका ति फूल सम्झे
त्यस्मा आई खेल्न खोज्ने भँगेराका हूल सम्झे ।।
प्रतिक्रिया
सम्बन्धित खवर
आजको प्रमुख समाचार
