चितवन कांग्रेसको सभापतिमा टेकप्रसाद गुरुङ विजयी

१६ भाद्र २०६९, शनिबार १३:०७ मा प्रकाशित


काठमाडौं, १६ भदौ । नेपाली कांग्रेस चितवन जिल्लासभापतिमा टेकप्रसाद गुरुङ विजयी हुनुभएको छ । खसेको कूल ५ सय २२ मतमध्ये ३ सय ६७ मत प्राप्त गरी गुरुङ सभापतिमा विजयी हुनुभएको हो । उहांका प्रतिस्पर्धी विकास कोइरालालाई भने १ सय ४० मत मात्र हासिल भयो ।
यसैगरी तीन प्रतिस्पर्धीलाई उछिन्दै जीतनारायण श्रेष्ठ सचिवमा विजयी हुनुभयो । सुरवीर पोखरेल भने कोषाध्यक्षमा निर्वाचित हुनुभएको छ । विशेष अधिवेशनले २५ जनालाई जिल्ला सदस्यमा चुनेको छ ।
हिजो भएको निर्वाचनमा सभापतिका चार उम्मेदवारमध्ये कसैले पनि बहुमत ल्याउन नसकेपछि बढी मत ल्याउने गुरुङ र कोइरालाबीच फेरि मतदान भएको हो । मतदानको समय सार्न निर्वाचन समितिले अस्वीकार गरेपछि कोइराला अधिवेशन बहिष्कार गर्दै बाहिरिएका थिए ।
चितवन तरुण दलका तत्कालीन सभापति शिव पौडेलको भरतपुर कारागारमा भएको हत्या प्रकरणमा कोइराला मुछिएपछि चर्किएको विवाद मिलाउन कांग्रेस केन्द्रिय समितिले चितवन जिल्ला कार्य समिति भंग गरी विशेष अधिवेशन गर्न निर्देशन दिएको थियो ।

प्रतिक्रिया
सम्बन्धित खवर

काठमाडौं । आज विक्रम संवत् २०७८ साल वैशाख १ गते नयाँ वर्षको पहिलो दिन नेपालभर एकापसमा शुभकामना आदानप्रदान गरी हर्षोल्लास

काठमाडौं । भारत भ्रमणमा रहेका पूर्वराजा ज्ञानेन्द्र शाहले नयाँ वर्ष २०७८ को शुभकामना सन्देश दिएका छन् । शुभकामना सन्देशमा पूर्व

काठमाडौँ । स्वास्थ्य तथा जनसंख्या मन्त्रालयले शिक्षण संस्थाहरु एक महिना बन्द गर्न सरकारलाई सिफारिस गरेको छ। मन्त्रालयले काठमाडौँ उपत्यकासहित देशका

काठमाडौँ । राष्ट्र बैङ्ककी निर्देशक सुष्मा रेग्मी रिजाललाई कारागार पठाइएको छ । ज्येष्ठ नागरिक सम्बन्धी कसुर मुद्दामा काठमाडौँ जिल्ला अदालतको