एमाले वरिष्ठ नेता माधव कुमार नेपाल साताव्यापी अमेरिका भ्रमणमा

१५ भाद्र २०६९, शुक्रबार २२:३८ मा प्रकाशित

पुरुषोत्तम ढकाल, अमेरिका,१५ भदौ । एमाले वरिष्ठ नेता एवं पूर्व प्रधानमन्त्री माधवकुमार नेपाल साता ब्यापी भ्रमणको क्रममा शुक्रबार राती अमेरिका आइपुग्दै हुनुहुन्छ । आयोजकहरुले दिएको जानकारी अनुसार नेता नेपाल अमेरिकी समय अनुसार शुक्रबार राति ११: बजे ह्युस्टन, टेक्सास आइपुग्ने कार्यक्रम रहेको छ । अमेरिका भ्रमणको क्रममा नेता नेपालले शनिबारदेखि इण्डियानामा हुन लागिरहेको एशोसियसन अफ नेप्लिज इन मिडवेष्ट अमेरिका (आन्मा) र नेप्लिज एशोसियसन अफ साउथ इष्ट अमेरिका (नासा) को आठौँ संयुक्त सम्मेलनको उद्घाटन गर्ने कार्यक्रम रहेको आयोजकहरुले जानकारी दिएका छन् । आन्मा र नासाले विगत आठ वर्षदेखि हरेक वर्ष संयुक्त सम्मेलन गर्दै आईरहेको छ । स्थानीय नेपाली संघ संस्थालाई आयोजक बनाएर यी दुई संगठनले हरेक वर्ष अलग अलग राज्यमा अमेरिकी श्रमिक दिवसको छुट्टीको सप्ताहान्तमा यस्तो सम्मेलन आयोजना गर्दै आएका छन् । आन्मा र नासाले यस वर्ष आन्माको संयोजनमा इण्डियानाको स्थानीय नेपाली एशोसियसन अफ इण्डियानालाई आयोजक बनाएर यो सम्मेलन गर्न लागेको हो । यस अघि नासा र आन्माको सम्मेलनहरुमा काँग्रेस सभापति सुशील कोइराला,शेरबहादुर देउवा,राजेश्वर देवकोटा लगायतका नेताहरुले सहभागिता जनाई सकेका छन् ।
आसन्न सम्मेलन बारे अध्यक्ष गोपेन्द्र भट्टराईले विज्ञप्ती जारी गरि नेपाली मूलका अमेरिकी युवापुस्ताप्रति नेपालको अपेक्षाका बारे आइतवार माधव नेपालले प्रमुख अतिथिको रुपमा सम्मेलनलाई सम्बोधन गर्ने जानकारी गराएका छन् ।
नेता नेपालले क्यानाडामा रहेका नेपालीहरुको कार्यक्रममा समेत सहभागिता जनाउने उहा निकट प्रिती सागर खत्रीले जानकारी गराएका छन् । एनआरएन क्यानडाले सेप्टेम्वर तीन तारिखका दिन कार्यक्रम तय गरेको छ । भ्रमण कार्यक्रम अनुसार नेता नेपाल इण्डियानाबाट आइतवार टोरन्टो क्यानडा जानेछन् भने सोमवार त्यहाँ हुने एनआरएनको कार्यक्रममा सहभागी हुनेछन । त्यसैगरी नेता नेपाल बिहिबार अमेरिकाको क्यालिफोर्निया हुने एनआरएनको अन्तरक्रिया कार्यक्रममा सहभागी हुनेछन भने शनिबार नेता नेपालले डल्लास टेक्सासको पशुपति मन्दिर उद्घाटन गर्ने स्थानीय आयोजक भिम कार्कीले बताएका छन् । नेता नेपाल साताव्यापी भ्रमण सकी न्यूयोर्कबाट सेप्टेम्वर १० तारिख स्वदेश फर्कने कार्यक्रम रहेको छ ।

प्रतिक्रिया
सम्बन्धित खवर

दक्षिण पश्चिम चीनको तिब्बत स्वायत्त क्षेत्रको उच्च उचाई भएका स्थानहरूबाट नाग्कु शहरमा कूल १७ हजार ५५५ व्यक्तिलाई टाढा सारिने तिब्बती

गृहमन्त्री बालकृष्ण खाणले संसद्मा विचाराधिन रहेको नागरिकता विधेयकलाई दलको सहमतिमा अघि बढाउने प्रयत्नमा सरकार लागेको बताउनुभएको छ । विधेयक अघि

काठमाडौं । नेपालले अमेरिकालाई अमेरिकाको ‘स्टेट पार्टनरसिप प्रोग्राम’ एसपीपीमा आबद्ध नहुने निर्णय पठाएको छ । गृहमन्त्री वालकृष्ण खाँणका अनुसार एसपीपीमा

काठमाडौं । नेकपा एमालेका महासचिव शंकर पोखरेलले नेपाली काँग्रेस नेतृत्वको गठबन्धनबाट समाजवाद सम्भव नुहने बताएका छन् । सोमबार नरबहादुर कर्मचार्य

आजको प्रमुख समाचार