कर्मचारीहरुको ब्यापक सरुवा

१५ भाद्र २०६९, शुक्रबार ०९:५० मा प्रकाशित


काठमाडौं, १५ भदौ । कामचलाउ सरकारले कर्मचारी सरुवालाई थप तिब्रता दिएको छ । यसैलाई निरन्तरता दिंदै भौतिक योजना, निर्माण तथा यातायात र ऊर्जा मन्त्रालयले ८ प्राविधिक सहसचिवसहित ११ अधिकारीको सरुवा गरेका छन् ।
भौतिक योजनामन्त्रीस्तरीय निर्णयबाट सडक विभागका वैदेशिक सहयोग महाशाखा हेर्ने नायब महानिर्देशक योगेन्द्र राईलाई मन्त्रालयको निर्माण तथा यातायात महाशाखामा, मध्यमाञ्चल क्षेत्रीय सडक निर्देशक देवेन्द्र कार्कीलाई विभागको वैदेशिक सहयोग महाशाखा हेर्ने नायब महानिर्देशकमा सरुवा गरिएको बताइएको छ । यस्तै, निर्माण तथा यातायात महाशाखा प्रमुख हरिओम श्रीवास्तवलाई मन्त्रालयकै वैदेशिक सहायता तथा गुणस्तर महाशाखामा सरुवा गरिएको छ भने पश्चिमाञ्चल क्षेत्रीय सडक निर्देशक उमेशानन्द मिश्रलाई मध्यमाञ्चल र सडक सुधार आयोजना प्रमुख सुदर्शन भण्डारीलाई पश्चिमाञ्चल क्षत्रीय सडक निर्देशनालयको प्रमुखमा सार्ने निण्ाँय गरी सामान्य प्रशासन मन्त्रालयसित सहमति माग गरेर पत्र पठाइएको छ । सामान्यको सहमति आएपछि उनहरु दुईजनाको विधिवत् सरुवा हुनेछ ।
बाढीजन्य सडक पुनःस्थापना आयोजनाका प्रमुख हरिभक्त श्रेष्ठलाई मन्त्रालयको योजना महाशाखामा सरुवा गरिएको छ । भालुवाङ–प्यूठान सडक आयोजनाका मुक्तिलाल साहलाई बाढीजन्य सडक पुनःस्थापना आयोजना प्रमुखमा सारिएको छ । मन्त्रालयले तीनजना सडक डिभिजन कार्यालय प्रमुखको समेत सरुवा गरेको छ । सडक डिभिजन कार्यालय इलामका ज्ञानेन्द्र झालाई विभागको पुल शाखा, डोटीका चन्द्रनारायण यादवलाई इलाममा र मध्यपहाडी लोकमार्गको पूर्वी खण्ड आयोजनाका विजय महतोलाई डोटी सडक डिभिजन कार्यालयमा सारिएको छ । ऊर्जा मन्त्रालयले विद्युत् विकास विभागका नायब महानिर्देशक सञ्जय शर्मालाई पदै नभएको जल तथा ऊर्जा आयोगमा सरुवा गरेको छ ।

प्रतिक्रिया
सम्बन्धित खवर

काठमाडौं । नेपाली कांग्रेसले हिमाली जिल्लाको अधिवेशन दशैँअघि नै गर्ने निर्णय गरेको छ। बिहीबार कांग्रेस पदाधिकारी र निर्वाचन समितिको छलफलबाट

चितवन । इच्छाकामना गाउँपालिका–५ नाग्दीखोलास्थित पृथ्वी राजमार्गमा काठमाडौँबाट पोखरातर्फ जाँदै गरेको कार त्रिशूली नदीमा खस्दा तीन जना बेपत्ता भएका छन्

काठमाडौं । पराष्ट्रमन्त्री डा नारायण खड्का संयुक्त राष्ट्रसङ्घको ७६औँ महासभामा भाग लिन नेपाली प्रतिनिधिमण्डलको नेतृत्व गर्दै न्युयोर्क पुगेका छन् ।

काठमाडौं । राष्ट्रपति विद्यादेवि भण्डारीले विनियोजन विधेयक प्रमाणिकरण गरेकी छन् । संघीय संसदको दुबै सदनबाट पारित भएको विधेयक राष्ट्रपति भण्डारीले