नेपाली ठग्ने कोरियाली सोलमा पक्राउ

१४ भाद्र २०६९, बिहीबार ११:४५ मा प्रकाशित

काठमाडौं, १४ भदौ । ग्वाटेमाला पठाई दिन्छु भन्दै नेपाली ठग्न प्रयास गर्ने तीन कोरियाली सोलमा पक्राउ परेका छन् । दक्षिण कोरियाको अन्तर्राष्ट्रिय अपराध अनुसन्धान ब्यूरोले ५३ र २९ बर्षका ली थर भएका दुई र ५८ बर्षका च्वे थर भएका एक जनालाई बुधबार पक्राउ गरेको समाचारमा जनाइएको छ । प्रहरीले ती दलालहरुको नाम गोप्य राखेको छ ।
कोरियाली अपराध अनुसन्धान ब्यूरोका अनुसार उनीहरुले गत डिसेम्बरमा रोजगारी गर्न ग्वाटेमाला पठाई दिने भन्दै ३८ जना नेपालीहरुबाट जनही २ लाखको दरले ७६ लाख रुपैयाँ उठाउने योजना बनाएका थिए । उनीहरु मध्ये एक जनालाई जेल चलन गरिएको र दुई जनालाई तारिखमा छोडिएको पनि प्रहरीले जनाएको छ । प्रहरीका अनुसार नेपालमा व्यावसाय गरिरहेका ५८ बर्षका च्वेको सहयोगमा ५३ बर्ष लीले पीडित नेपालीहरुको पासपोर्टमा स्पेनिश भाषा प्रयोग गरेर ग्वाटेमालाको नक्कली भिसा लगाएका थिए । सो नक्कली भिसामा २०१४ सालसम्म रोजगार गर्न ग्वाटेमाला जानुपर्ने उल्लेख गरेर इमेल तथा फयाक्सबाट ती नेपालीहरुलाई पठाइएको थियो । अधिकांश पीडितहरु नेपालमा चिकित्सक र शिक्षक रहेको पनि जनाइएको छ ।

प्रतिक्रिया
सम्बन्धित खवर

वासिङ्टन । कोरोनाभाइरस महामारीबाट एक वर्षदेखि सङ्कट व्यहोरिरहेको संयुक्तराज्य अमेरिकामा लाखौं अमेरिकी बेरोजगार छन् । अर्थतन्त्र पुनः खुला भएपनि कतिपय

काठमाडौं । कन्सुलर सेवा विभागले लिखतहरूको प्रमाणीकरणका लागि सङ्केत नम्बरसहितको फाराम वितरण प्रारम्भ गरेको छ । कोभिड–१९ सङ्क्रमण रोकथाम तथा

काठमाडौं । सभामुख अग्नि सापकोटा विरुद्ध परेको मुद्दाको संवैधानिक इजलासमा सुनुवाइ हुने भएको छ । संवैधानिक इजलासमा प्रधानन्यायाधीश चोलेन्द्र शम्शेर

काठमाडौं । मानिसको स्वाब सङ्कलन नै नगरी कोभिड–१९ परीक्षणको पिसिआर नेगेटिभ रिपोर्ट बनाउने कार्यमा एउटा गिरोह सक्रिय रहेको पाइएको छ