राष्ट्रपतिले आज प्रमुख दलहरुसंग छलफल गर्ने

१४ भाद्र २०६९, बिहीबार ०९:३९ मा प्रकाशित


काठमाडौं, १४ भदौ । राजनीतिक निकासका लागि लगातार विशेष चिन्ता दर्शाउंदै आएनुभएका राष्ट्रपति डा. रामवरण यादवले प्रमुख तीन दल र मधेसी मोर्चाका शीर्ष नेताहरूसंग फेरि परामर्श गर्ने हुनुभएको छ । राजनीतिक समस्या निकासका सवालमा विचारपरामर्श गर्न आज बिहीबार शीतल निवासमा उहांले संयुक्त बैठक बोलाउनुभएको छ ।
दलहरुसंगको परामर्शमा राष्ट्रपति यादवले दलहरूलाई राजनीतिक मार्गचित्र तय गर्न दबाब दिनुहुने शीतल निवास सुत्रले जनाएको छ । स्रोतका अनुसार उहांले निर्वाचन या पुनःस्थापनामध्ये एउटामा सैद्धान्तिक सहमति जुटाउन नेताहरूलाई घच्घच्याउनुहुनेछ । निर्वाचनमा जाने भए संविधानसभा या संसद्को निर्वाचन र त्यसको संख्यामा समेत सहमति जुटाउन राष्ट्रपतिले आग्रह गर्नुहुने बताइएको छ ।
राजनीतिक सहमतिमा भन्दा ुअध्यादेशु मार्फत शासन सत्ता लम्ब्याउन खोजेको भन्दै सरकारसंग असन्तुष्ट रहंदै आएनुभएका राष्ट्रपति यादवले राजनीतिक सहमति नजुटाई सरकारबाट आउने अध्यादेश जारी नगर्ने संकेत दिइसक्नुभएको छ । सरकारले गत मंगलबार मात्रै तीन अध्यादेश राष्ट्रपतिसमक्ष प्रस्तुत गरेको छ । तर अध्यादेशबारे अध्ययन भइरहेको भन्दै राष्ट्रपति कार्यालयले त्यो पन्छाइरहेको अवस्था छ ।

प्रतिक्रिया
सम्बन्धित खवर

रोल्पा । रोल्पा जिल्लामा नेपाली कांग्रेसले १० वटा नगरपालिका र गाउँपालिकामा अधिवेशन सर्वसम्मत चयन गरेको छ । शनिबार सम्पन्न अधिवेशनमा

काठमाडौैँ । गैरआवासीय नेपाली संघ (एनआरएनए)को अध्यक्ष पदका लागि कुल आचार्यले उम्मेदवारी घोषणा गरेका छन् । आइतबार उम्मेदवारी घोषणा गर्दै

काठमाडौं। हरेक वर्ष २६ सेप्टेम्बरका दिन अन्तर्राष्ट्रिय परमाणु हतियार निर्मूल दिवस मनाइन्छ । संयुक्त राष्ट्रसंघको महासभाले डिसेम्बर २०१३ मा २६

काठमाडौ ।नेपाली कांग्रेसको १४औं महाधिवेशनअन्तर्गत अहिले विभिन्न जिल्लामा पालिका तहको अधिवेशन जारी छ । शनिबारदेखि ५४ जिल्लामा पालिका तहको अधिवेशन