बाघले मान्छे खायो

१३ भाद्र २०६९, बुधबार १८:४९ मा प्रकाशित

काठमाडौं, १३ भदौ । चितवन मेघौलीमा आज बाघले एक व्यक्तिको ज्यान लिएको छ । घर नजिकैको बनमा गएको समयमा अकस्मात प्रकट भएको अजङगको पाटे बाघले आक्रमण गर्दा मेघौली २ का ५० वर्षीय दिलबहादुर कुमालको मृत्यु भएको हो । बाघले कुमाललाई मारेर मात्र नछोडि उनको मासुसमेत खाएको स्थानीयले बताएका छन् ।
यस्तै, काठमाडौंको जोरपाटीबाट ट्याक्सी रिजर्भ गरी नुवाकोट जाँदै गरेका ४९ वर्षीय कमानसिंह तामाङको साथमा रहेको १ लाख रुपियाँ लुटपाट भएको छ। लुटपाटमा संलग्नलाई आज बिहान प्रहरीले पक्राउ गरेको छ। तामाङ सिन्धुपाल्चोक जिल्ला बाँसवारीका ईश्वर तिवारीले चलाएको बा १ ज ३५४६ नम्बरको भाडाको ट्याक्सी रिजर्भ गरी नुवाकोटतिर गएका थिए। गोलढुङगा ६ मुड्खु ओसो सेन्टर नजिक पुग्दा बालाजुस्थित अष्टनारायण हल नजिकबाट नुवाकोट जिल्ला लप्च्याङ ५ घर भएका २३ वर्षीय सुरेश तामाङले चलाएको बा १ ज १२३३ नम्बरको ट्याक्सीमा गएका अपरचित ३ जनाले उनको साथमा रहेको नगद लुटी भागेका थिए। उनीहरु जितपुरफेदी तिनपिप्लेमा ट्याक्सी छोडी फरार भएका थिए।
महानगरीय प्रहरी बृत्त बालाजु, महानगरीय प्रभाग मुड्खु र तिनपिप्ले चौकीबाट खटिएको प्रहरीले खोजी गर्दा उक्त बा १ ज १२३३ नम्बरको ट्याक्सीका चालक सुरेश तामाङ, रघुनाथ ओझा समेतका ब्यक्तिहरुलाई पक्राउ गरी महानगरीय प्रहरी बृत्त बालाजु लगेको छ भने सुरेश तामाङको साथबाट नगद २० हजार रुपैयाँ समेत बरामद भएको छ।

 

प्रतिक्रिया
सम्बन्धित खवर

काठमाडौँ ।चितवनमा कोरोना सङ्क्रमणको ग्राफ ओरालो लाग्दै गएको भए पनि जोखिम भने कायमै रहेको छ । चितवनमा सक्रिय कोरोना संक्रमितको

काठमाडौं । नेपालको परराष्ट्रमन्त्रीमा डा नारायण खड्का नियुक्त हुनुभएकामा भारतका बाह्य मामिलामन्त्री एस जयशङ्करले उनीप्रति बधाई ज्ञापन गरेका छन् ।

काठमाडौँ । दिवङ्गत पितृका नाममा प्रत्येक वर्ष आश्विन कृष्ण पक्षमा गरिने सोह्र श्राद्धका लागि आवश्यक पर्ने अपराह्नकालको समय निर्धारण गरिएको

काठमाडौं। सत्तारुढ गठबन्धनको बैठकले परराष्ट्रमन्त्रीमा डा. नारायण खड्कालाई नियुक्त गर्ने सहमति भएको छ । मंगलबार साँझ प्रधानमन्त्री निवास बालुवाटारमा बसेको