दिलशोभाको आमाघरको सहयोगको लागि लस एन्जलसमा प्रयास

१३ भाद्र २०६९, बुधबार १८:३७ मा प्रकाशित

गोकुल ढकाल, लस एन्जलस । समाजसेवी दिलशोभा श्रेष्ठले संचालन गर्नुभएको असाह्य आमाहरूको आश्रयस्थल आमाघरको संचालन निरन्तरताको सहयोगका लागि लस एन्जलसमा एउटा उदाहरणिय प्रयासको थलनी भएको छ । “Together- Southern California Nepalese Community for “Aamaghar” नाम लिएर स्थानिय बिबेक श्रेष्ठको अगुवाइमा “आमाघर” को सहयोगको लागि आफुसक्दो सहयोगको लागि संस्थाले आग्रह गरेको छ ।

श्रीमानले छोरीको बिहेबखत घरको सम्पत्ति चोरेर भागेपछी बिलौनाबाट एक्लिएकी दिलशोभाको समाजसेवा र सयौं आमाहरूलाई लालन-पोशण गर्ने मानब धर्मको बारे नसुन्ने कमै होलान । कुनै समय आमा-छोरी आत्महत्या गर्न गएका अकल्पनिय घटनाहरूले बुनिएका दिलशोभाका सेवाभावहरू मदर टेरेसाका भन्दा काम छैनन, सेवामा नोबेल पुरस्कार बिजीताका भन्दा कमा योगदान छैनन् । बिकसित समाज र त्यसभित्रका निहित सेवीहरूले बुझेका यी दिलचश्पी र प्रेरणादायी कार्यहरूको ब्यबस्थापन कति दर्दनाक होला, त्यो त “आमाघर”लाई सहयोग गर्ने महान दाताहरूलाई थाहा होला । परदेशमा पसिना बहाउनेहरूले पनि ‘सकेको’ कमाईको एक थोपा पसिनाले पचासौं आमाहरूलाई एक छाक मिठो खान पुग्छ भने , केही दिनलाई कन्जुस्याइं आखिर किन ?

गत महिना चर्चित पत्रकार बिजयकुमारले गरेका दिलशोभासंगको साक्षात्कार पश्चात संसारभर सहयोगका लागि फैलिएका हातहरुमा हातेमालो गर्न आफूहरूले निस्वार्थ आमाघरको लागि सानो प्रयास गरेको बताउंछन्, अगुवा युवा बिबेक श्रेष्ठ । उनका अनुसार् सहयोग गर्न चाहनेहरूले http://www.gofundme.com/togetherforaamaghar OR http://www.facebook.com/pages/Together-Southern-California-Nepalese-Community-for-Aamaghar/518452871503641 को लिन्क्मा गएर आफुसक्दो सहयोग गर्न सकिन्छ । उनका अनुसार एकमहिनामा ३,००० डलर रकम संकलनको लक्ष्य राखिएकोमा सहयोग निरन्तर् प्राप्त भैरहेको र दाताहरूले सहयोग गरेको रकम सोझै नेपालमा दिलशोभा दिदिको आमाघरलाई प्रदान गराइने छ ।

प्रतिक्रिया
सम्बन्धित खवर

लण्डन । बेलायती सेनामा भिक्टोरिया क्रस ९भिसी० पाउने पहिलो गोर्खा सैनिक कुलवीर थापामगरको सालिक अनावरण गरिएको छ । अल्डरसटस्थित प्रिन्सेस

काठमाडौं । बेलायतको लिड्स विश्वविद्यालयमा प्राध्यापक रहनुभएका डा सूर्यप्रसाद सुवेदीलाई अन्तर्राष्ट्रिय प्रकृति संरक्षण सङ्घले कानुनी सल्लाहकारमा नियुक्ति गरेको छ ।

काठमाडौं । सामाजिक अभियानकर्मी डा विष्णुमाया परियारका बारेमा विश्वव्यापी कलेजका पाठ्यपुस्तकमा पढाइ हुने भएको छ । अमेरिकी प्रकाशक म्याकग्रो हिलले

लण्डन । बेलायतमा लामो समयदेखि बस्दै आउनुभएकी कवयित्री प्रतिभा केसी यस वर्ष अनेसास सुप्रमा इप्रमा पुरस्कारबाट सम्मानित हुनुभएको छ ।