विवाद थाती राखेर सम्वाद थालिने

१३ भाद्र २०६९, बुधबार १६:२८ मा प्रकाशित

काठमाडौ १३ भदौ । नेकपा एमालेका वरिष्ठ नेता माधवकुमार नेपालले दलहरुको बीचमा विश्वासको वातावरण बनाउने काम सरकारको भएको तर यस मामलामा सरकार सुतेर बसेको आरोप लगाउनुभएको छ । पूर्वसांसद मञ्च नेपालद्वारा राजनीतिक निकासका लागि राष्ट्रिय संवाद विषयमा राजधानीमा आयोजित अन्तरक्रिया कार्यक्रममा नेता नेपालले माओवादीले आफ्नो जिद्दी त्यागे अझै पनि सहमति हुन गाह्रो नपर्ने जनाउनुभयो । पूर्वप्रधानमन्त्री नेपालले भन्नुभयो, ‘राजनीतिक सहमतिका लागि वर्तमान सरकारले मार्गप्रशस्त गर्नुपर्छ र सविधानसभाको पुनःस्थापना वा निर्वाचन के हो भन्ने विषयमा छिटो छिनोफानो गर्न सक्नुपर्छ।’
सो कार्यक्रममा प्रमुख राजनीतिक दलका शीर्ष नेताहरुले सहमतिका आधारमा वर्तमान राजनीतिक गतिरोधको समाधान खोज्ने सामूहिक प्रतिबद्धता जनाएका छन्। उनीहरुले आपसी विवाद थाती राखेर संवादको प्रक्रिया पुनः सुचारु राख्ने सहमति पनि सार्वजनिकरुपमा व्यक्त गरेका छन्।
राप्रपाका वरिष्ठ नेता लोकेन्द्रबहादुर चन्दले राजनीतिक दलबीचको संवादको प्रक्रिया कमजोर हुँदा राजनीतिक सङ्कट उत्पन्न भएको जनाउँदै यसको समाधानका लागि दलबीच सामूहिक प्रयत्नको खाँचो औँल्याउनुभयो भने नेकपा (माले)का महासचिव सिपी मैनालीले विगतको जस्तो कार्यान्वयन नहुने सहमति दलहरुबीच अब फेरि नहोस् भन्ने अभिव्यक्ति दिनुभयो।
यसैगरी राष्ट्रिय जनमोर्चा नेपालका अध्यक्ष चित्रबहादुर केसीले उग्रवामपन्थी भड्काउ र सङ्घीयताले देशमा राजनीतिक अन्योल थप्दै गएको उल्लेख गर्नुभएको राससले जनाएको छ ।

प्रतिक्रिया
सम्बन्धित खवर

काठमाडौँ । प्रधानमन्त्री शेरबहादुर देउवाले सरकारले धान चामलको उत्पादन र उत्पादकत्व वृद्धि गर्दै यसको आयात प्रतिस्थापन गर्ने रणनीति लिएको बताएका

काठमाडौँ । प्रत्येक वर्ष असार १५ गते मनाइने धान दिवसका अवसरमा आज खेतमा काम गरी दहीच्युरा खाएर मनाइँदै छ ।

काठमाडौं । देशभर लगातार वर्षा भइरहेको छ । जल तथा मौसम विज्ञान विभागका अनुसार पहाडी र तराई क्षेत्र केन्द्रित वर्षा

नेपाल र भारतबीच महाकाली एकीकृत विकास सन्धि भएको २६ वर्षपछि नेपालले पानी पाएको छ। सन् १९९६ मा नेपाल र भारतबीच

आजको प्रमुख समाचार