एक मधेश प्रदेश दिन के आपत्ति

३ चैत्र २०६८, शुक्रबार ०६:४४ मा प्रकाशित

लक्ष्मणलाल कर्ण, सदस्य, संवैधानिक समिति
० विदेश जाने अवसर रद्द गर्नुभयो नि ?
– व्यक्तिगत भइदिएको भए जाने कुरा हुन्थ्यो । शान्ति र संविधानका लागि थियो । संविधानको विवाद हामीले पहिलाइसकेका छौं । संविधानको विवादलाई आइसुलेटट ठाउँमा बसेर निर्णय गर्ने तयारीमा थियौं ।
० विदेशमा बसेर सविधान लेखिन्छ ?
– त्यहाँ गएर स्वीट्जरल्यण्डको संविधान लेख्ने होइन, नेपालकै लेख्ने हो ।
० स्वीट्जरल्यण्ड जानुपर्ने कारण ?
– नेपालमा कही बस्दाको अवस्थामा मान्छेहरु विभिन्न कामले व्यस्त हुन्छन् । त्यहाँ गयो भने १०–१२ घण्टा एउटै काममा विभिन्न समूह बनाएर छलफल गर्न सकिन्छ ।
० यसभन्दा अघि पनि विदेश जानुभएकै थियो, संविधान दिन सक्नुभएन नि ? अहिले दिन सक्नुहुन्छ भन्ने के आधार छ ?
– संविधान दिने आधार बनाउने प्रयास गर्छौ ।
० शान्ति र संविधानलाई अलपत्र पारेर विदेश जादा धेरै आलोचना आयो नि ?
– आलोचना यसपाली मात्र भएको होइन, यसभन्दा अगाडि पनि पटक पटक भइनै रहेछ । तर संसारमै हेर्नुभयो भने संविधान निर्माणको क्रममा मान्छेहरुले अनुभव बटुल्ने, अर्काको अभ्यासलाई हेर्ने, प्रकृया हेर्ने गरिएको रहेछ ।
० नेपाली जनताको बीचमा बसेर संविधान दिनुपर्ने यो बेला होइन र ?
– विल्कुल हो । नेपाली जनताका लागि संविधान बनाउने हो । कलम, कागज र माटो कसैको प्रयोग गर्दा फरक पर्दैन ।
० अब विदेश जाने पक्षमा हुनुहुन्छ कि नजाने ?
– विदेश जाने कुरा हामीले छोडिसक्यो, जाने कुरै छैन ।
० शान्ति र संविधान जनतालाई कहिले दिनुहुन्छ ?
– शान्ति र संविधान समयमै जनतालाई दिनुपर्छ ।
० मधेशी मोर्चाले के निर्णय ग¥र्यो ?
– शान्ति नभइ संविधान दिन्न भन्ने कांगे्रस एमालेको निर्णय छ, त्यसले अघि बढ्न अप्ठ्यारो भइरहेको छ । शान्ति प्रकृयासँग सम्बन्धित सबै समूहसँग छलफल भए पनि त्यसबाट कुनै सार आइरहेको छैन । यसका लागि के बाधक भयो, त्यसको पहिचान गरेर मोर्चाले दबाब दिने निर्णय गरेको छ ।
० संघीयता नभए पनि हुन्छ भन्न थाले नि कांगे्रस नेताहरुले ?
– संघीयता बिनाको संविधान मधेशी जनताका लागि स्वीकार हुँदैन । संघीयता बिनाको संविधान काम लाग्दैन ।
० संघीयतासहितको संविधान आउन समय लाग्यो भने ?
– किन समय लाग्छ ? एउटा प्रारुप तयार भइसकेको संघीयता छ । कांगे्रसकै हल्लामा आयोग बनाइएको हो । आयोगले दिएको सुझावलाई छलफल गरेर निष्कर्षमा पुग्नुपर्छ । यो निष्कर्षमा पुग्न २ घण्टाभित्रमा पुग्न सकिन्छ ।
० संघीयतासहितको संविधान तपाईंहरु जेठ १४ भित्र दिनसक्नु हुन्छ ?
– विल्कुल दिनुपर्छ ।
० मधेश एक प्रदेशमा धेरै विवाद छ नि ?
– विवाद छैन, एक मधेशी दिँदा के अप्ठ्यारो छ ।
० तपाईंहरुको जिम्मेवारीपूर्ण व्यवहार नेपाली जनताले कहिले देख्न पाउछन् ?
– यो अन्तिम अवसर हो । शान्ति र संविधान नेपाली जनताका लागि अत्यान्त आवश्यक छ । त्यसकारण जेठ १४ भित्र शान्ति र संविधान दिनैपर्छ । शान्ति प्रकृया दर्जामा अड्किरहेको छ । सबै पुरस्कृत हुने कुन कुन उपाय हुन्छ, त्यो तीन दलले खोज्नुपर्छ । संविधानका सम्बन्धमा इमान्दारीपूर्वक बस्ने हो भने दुईदिनभित्र सहमति हुन्छ, के गाह्रो छ । सम्पूर्ण समस्याहरु आइसक्यो ।
० नेपाललाई कति प्रदेश बनाउनुपर्छ ?
– प्रदेश संख्या विवाद होइन । जति पनि विवाद छन्, त्यसमा हामीले साढे चार वर्ष छलफल गरिसक्यौं । कहाँ कहाँ समस्या छ, त्यसको पनि हामीले पहिचान गरिसक्यौं । साझा दस्तावेज बनाउने संविधानसभाको म्यान्डेट हो । यो म्यान्डेट हामीले पूरा गरेनौं भने हामीलाई कलंक लाग्नेछ, राजनीतिक दलहरुको अस्तित्व समाप्तसमेत हुनसक्छ ।

प्रतिक्रिया
सम्बन्धित खवर

काठमाडौँ, १९ बैशाख । विश्वमा कोरोना माहामारीका कारण नेपाल लकडाउन भएको १ महिना भन्दा बढी भइसक्यो । यो एक महिनाको

निरोज कुमार थापा, काठमाडौँ, १० असार । सबै मानिसहरु आफ्नो कर्ममा सफल हुन्छन् भन्ने छैन । तर निरन्तरको लगाव, कामप्रतिको

पर्यटन प्रवद्र्धनका लागि सन् २०१७ बाट हरेक वर्ष हिमालय ट्राभल मार्ट आयोजना हुँदै आएको छ । यसवर्ष पनि जुन ६

निरोज कुमार थापा, काठमाडौँ, ६ बैशाख ।  नेपालमा होमस्टेको इतिहाँस लामो छैन। यो अभियानले गति लिएको एक दशक पनि भएको