प्रधानमन्त्री तेहरान प्रस्थान

१३ भाद्र २०६९, बुधबार १६:१७ मा प्रकाशित

काठमाडौ, १३ भदौ । प्रधानमन्त्री डा भट्टराईले नेपालले असंलग्न परराष्ट्र नीति अवलम्बन गरेको सन्दर्भमा तेहरान भ्रमण उपलब्धिपूर्ण हुने बताएका छन् । प्रधानमन्त्रीले इरानको राजधानी तेहरानमा हुने असंलग्न आन्दोलनको १६औँ शिखर सम्मेलनमा भाग लिन नेपाली प्रतिनिधिमण्डलको नेतृत्व गर्दै आज बिहान त्यसतर्फ प्रस्थान गर्ने क्रममा सो धारणा व्यक्त गरेका हुन् ।

प्रस्थान गर्नुअघि त्रिभुवन अन्तर्राष्ट्रिय विमानस्थलको अतिविशिष्ट कक्षमा पत्रकारहरूसँग कुरा गर्दै प्रधानमन्त्री डा भट्टराईले नेपाल असंलग्न आन्दोलनको संस्थापक सदस्य राष्ट्र भएको र सधैँ यस सम्मेलनलाई महत्व दिई उच्चतम तहबाट सहभागिता भइआएकाले आफूले यसलाई निरन्तरता दिएको उल्लेख गरे । यही भदौ १४ र १५ गते शिखर सम्मेलनको आयोजना गरिएको छ ।

प्रधानमन्त्री डा भट्टराईलाई विमानस्थलमा उपप्रधानमन्त्री एवम् गृहमन्त्री विजयकुमार गच्छदार, मन्त्रिगण तथा सरकारी उच्च पदस्थ अधिकृतहरूले बिदाइ गरेका थिए । सो सम्मेलनमा भाग लिन उपप्रधानमन्त्री एवम् परराष्ट्रमन्त्री नारायणकाजी श्रेष्ठ गत सोमबार नै त्यसतर्फ प्रस्थान गरिसकेका छन् । रासस

प्रतिक्रिया
सम्बन्धित खवर

केदार मगर, खोटाङ । साकेला गाउँपालिका–५ मात्तिमविर्तालाई केन्द्रविन्दु बनाएर आइतबार गएको भूकम्पले हालसम्म जिल्लाभर दुई विद्यालय भवन, एक प्रहरी चौकी

म्याग्दी । म्याग्दीका पौढ महिलाहरूले बुढ्यौलीमा माध्यमिक शिक्षा परीक्षा (एसइई) उत्तीर्ण गरेर पढाइलाई उमेरले नछेक्ने भनाइलाई चरितार्थ गर्नुभएको छ ।

नवलपुर । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व)को दाउन्नेमा यात्रुबाहक बसमा आगलागी हुँदा ३३ यात्रु घाइते भएका छन् । आज बिहान साढे

काठमाडौं । जापानका पूर्वप्रधानमन्त्री सिन्जो आबेमाथि शुक्रबार बिहान नारा सहरमा आक्रमण भएको छ । सभालाई सम्बोधन गर्ने क्रममा उनीमाथि गोली प्रहार