अध्यादेशबाट सरकार चलाउनु निन्दनीय : जनमोर्चा नेपाल

१३ भाद्र २०६९, बुधबार ०८:४८ मा प्रकाशित

काठमाडौं, १३ भदौ । बिनासहमति र विपक्षीको विरोधका बाबजुद अध्यादेशको भरमा सरकार चलाउने गठबन्धन सरकारको रवैयाको जनमोर्चा नेपालले निन्दा र विरोध गरेको छ । प्रमुख जिल्ला अधिकारीको अधिकार कटौती गरी हतियार चलखेल वृद्धि गर्ने, समुदायको सेना बनाउन सैनिक ऐन संशोधन गर्नेलगायत झन्डै पौने दर्जन कानुनी तथा संवैधानिक विषयसमेत परिवर्तन गर्न थालेको भन्दै जनमोर्चाले सरकारी कदमको विरोध गरेको हो ।
सो पार्टीका महासचिव साध्यबहादुर भण्डारीले एक प्रेस विज्ञप्ति जारी गर्दै देश संवैधानिक, राजनीतिक सङ्कटमा फसेको बेला उच्च तहको राजनीतिक सहमतिबाट शीघ्र निकास दिनुको बदलामा अध्यादेशमार्फत सत्ता लम्ब्याउने र आर्थिक, सामाजिक तथा कानुनी जटिलतामा फसाउन गैरसंवैधानिक तरिकाबाट अध्यादेश ल्याउने सरकारको तयारी भत्र्सनायोग्य भएको जनाएका छन् । राजनीतिक सहमति गरी सङ्क्रमणकाल र राष्ट्रिय सङ्कटको निकास दिन तत्काल राष्ट्रिय सहमतिको सरकार निर्माण गर्नेतर्फ लाग्न सबै पक्षलाई भण्डारीले विज्ञप्तिमार्फत आग्रह गरेका छन् ।

प्रतिक्रिया
सम्बन्धित खवर

काठमाडौँ । पछिल्लो २४ घण्टामा ३,८४० जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १०,८८६ पीसीआर

काठमाडौं । नेकपा माओवादी केन्द्रबाट एमाले प्रवेश गरेका चार नेताले सांसद पदमा पुनर्बहालीको माग गर्दै सर्वोच्च अदालतमा रिट दायर गरेका

काठमाडौं । सरकारले विभिन्न देशबाट कोरोनाविरुद्धको खोप आयातलाई तिब्रता दिएको छ । तर सरकारले खोप अभियानलाई व्यवस्थित गर्न नसक्दा नागरिक

काठमाडौं । नेपालले अमेरिकासँग कोरोनाविरुद्धको थप खोप सहायताका निम्ति अनुरोध गरेको छ । प्रधानमन्त्री शेरबहादुर देउवाले संयुक्त राज्य अमेरिकाका विदेशमन्त्री