कृतिम तरिकाले मूल्य बढाउने र कालाबजारीलाई कडा कारबाहीको तयारी

१२ भाद्र २०६९, मंगलवार ०६:३३ मा प्रकाशित

काठमाडौं, १२ भदौ । महंगी र कृत्रिम अभाव अस्वाभाविक रुपमा बढेपछि मुल्यवृद्धि नियन्त्रण गर्न सरकारले बजारमा हस्तक्षेपकारी नीति अख्तियार गर्ने भएको छ । खाद्य सामग्रीको मूल्य आमजनताले धान्नै नसक्नेगरी अकासिएपछि सरकारलाई अनुगमनका लागि दबाब परेको हो ।
सोमबार सिंहदरबारमा सरोकारवाला निकायसंगको छलफलमा प्रधानमन्त्री बाबुराम भट्टराईले अनुगमन प्रभावकारी बनाउन निर्देशन दिंदै कालोबजारी नियन्त्रणका लागि भएका नियम–कानुनको कार्यान्वयनमा जोड दिंदै त्यस कार्यमा संलग्नलाई कडा कारबाही गरिने चेतावनी दिए । उनले चाडबाडका बेला सहज र सुलभ मूल्यमा उपभोग्य सामग्री सर्वसाधारणलाई उपलब्ध गराउन सहरी क्षेत्रमा घुम्ती पसल र विकट क्षेत्रमा अनुदानको व्यवस्था मिलाइने बताए ।
त्यस अवसरमा मूख्य सचिव लीलामणि पौडेलले सरकारी स्वामित्वका साल्ट ट्रेडिङ र नेसनल ट्रेडिङलाई अधिकतम ७५ रुपैयां किलोमा चिनी उपलब्ध गराउन निर्देशन दिए । बजारमा केही समय यता चिनीको मूल्य ९० रुपैयांसम्म पुगेको छ । चिनी उद्योग संघका अध्यक्ष शशिकान्त अग्रवालले चिनीको मूल्यवृद्धि कृत्रिम रहेको बताएका थिए । वाणिज्य विभागका महानिर्देशक नारायणप्रसाद विडारीले प्रशासन, प्रहरीसहितको अनुगमन टोलीले बजारमा अनुगमन थालिएको जानकारी दिंदै भने– ‘ठूला ब्यापारीका गोदाममै अनुगमन गर्नेछौं, दोषी देखिए कडा कारबाही हुन्छ ।’

प्रतिक्रिया
सम्बन्धित खवर

काठमाडौं । काठमाडौंको पश्चिम उत्तरतर्फ पर्ने नागार्जुनको जंगलमा डढेलो लागेको छ । नागार्जुनस्थित शिवपुरी राष्ट्रिय निकुञ्जको जंगलमा लागेको डढेलो निभाउनका

काठमाडौं । प्रत्येक वर्ष चैत्र कृष्ण औँसीका दिन मनाइने घोडेजात्रा पर्व आज मनाइँदैछ । उपत्यकामा कोरोना भाइरसको सङ्क्रमण फेरि बढ्न

काठमाडौं । नेपाल पत्रकार महासङ्घको बुधबार भएको २६ औं महाधिवेशनबाट विपुल पोखरेल नेतृत्वको प्यानलले जित हासिल गरेको छ । महासङ्घ

काठमाडौं । पूर्व महाराज ज्ञानेन्द्र शाहले भारतका गृहमन्त्री अमित शाहसँग भेटघाट गरेका छन् । उनी दुई दिनअघि भारतको हरिद्वारमा जारी