‘बाधा हाले मोर्चा सडकमा उत्रिन्छ’

१२ भाद्र २०६९, मंगलवार ०६:२३ मा प्रकाशित

काठमाडौं, १२ भदौ । मधेशी मोर्चा र माओवादीसहितको नवगठित मोर्चालाई सडक आन्दोलनका लागि उपयोग गरिने एमाओवादी अध्यक्ष पुष्पकमल दाहालले प्रस्ट्याएका छन् । पार्टीको अवध राज्यस्तरीय कार्यकर्ता प्रशिक्षणका लागि सोमबार बुटवल पुगेका आएका दाहालले मुलुकको गहिरिंदो राजनैतिक संकटको निकासका लागि दलहरुबीच सकारात्मक संवाद शुरु भएको उल्लेख गर्दै भने– ‘कांग्रेस र एमालेले सहमतिमा बाधा हाल्न खोजे मोर्चा सडकमा उत्रिएर उनीहरुलाई तह लगाउनेछ ।’
क्रान्तिकारी पत्रकार संघले बुटवलमा आयोजना गरेको पत्रकार सम्मेलनमा बोल्दै दाहालले भने– ‘आपसी विवाद र असमझदारीका बीच दलहरु बीच सहमतिको चक्र शुरु भएको छ, सबैले सहमतिको पहलकदमीलाई साथ दिए केही दिनमै दलहरुबीच सहमति हुन्छ ।’
दाहालले विभाजनको केही महिनामै किरणजीको पार्टी राजनैतिक लक्ष्य स्पष्ट नहुंदा बीचमै अलमलिएको दाबी गर्दै इमान्दार कार्यकर्तालाई पार्टीमा फर्काएर काममा लगाउन कञ्जुस्याइं गर्न नहुने बताए । पार्टी विभाजनले केही अप्ठेरो लागे पनि कुनै असर नगर्ने भएकोले आत्मबल उच्च राख्न कार्यकर्तालाई उनले निर्देशन दिए ।

प्रतिक्रिया
सम्बन्धित खवर

काठमाडौँ।सरकारले स्यानिटरी प्याडमा कुनै पनि कर वृद्धि नगरेको स्पष्ट पारेको छ । महिनावारी हुँदा महिलाले प्रयोग गर्ने स्यानिटरी प्याडमा मूल्यवृद्धि

काठमाडौँ । नेकपा एमालेको केन्द्रीय कमिटीको बैठक आजबाट सुरु हुँदैछ। ललितपुरको च्यासलस्थित तुलसीलाल प्रतिष्ठानमा विहान ११ बजे बैठक बस्ने तय

काठमाडौं । नेपाली कांग्रेसले हिमाली जिल्लाको अधिवेशन दशैँअघि नै गर्ने निर्णय गरेको छ। बिहीबार कांग्रेस पदाधिकारी र निर्वाचन समितिको छलफलबाट

चितवन । इच्छाकामना गाउँपालिका–५ नाग्दीखोलास्थित पृथ्वी राजमार्गमा काठमाडौँबाट पोखरातर्फ जाँदै गरेको कार त्रिशूली नदीमा खस्दा तीन जना बेपत्ता भएका छन्