बाबुले आफ्नै छोरालाई बांदर देखेपछि…

१० भाद्र २०६९, आईतवार ०७:१८ मा प्रकाशित

काठमाडौं, १० भाद्र । बांदरलाई मार्न खोज्दा अर्घाखांचीमा एक बाबुले आफ्नै छोराको ज्यान लिएका छन् । बारीमा मकै खान आउने बाँदर धपाउन रूखमा चढेर बसेका बालक छोरालाई आफ्नै बाबुले नचिन्दा यस्तो दुर्घटना हुन पुगेको हो । रातो कपडा लगाएर रूखमा बसेका छोरालाई बाँदर भनेर उनैका पिताले गोली चलाएका हुन् ।
अर्घाखांची जिल्लाको विकट स्थान सिद्धारा ८ डुम्रे खोलाका ५५ वर्षीय गुप्तबहादुर पुलामी मगरले चलाएको भरुवा बन्दुकको गोलीले रूखमा बसेका आफ्नै १२ वर्षीय छोरा चित्रबहादुरको ज्यान गएको हो । गत शुक्रबार बिहान ८ बजेतिर बारीका पाक्नै लागेका मकैमा बांदर धपाउन छोरा चित्रबहादुर फोस्रोको रूखमा बसिरहेका थिए । बांदरले बारी भित्रै पसेर पाक्न लागेका मकै खाइदिन थालेपछि बांदर धपाउन भनेर बन्दुक भिरेर गएका गुप्त बहादुरलाई छोरा बारीमा गएको छ भन्ने थाहा नभएको र रातो कपडा लगाएर रूखमा बसेका ती बालकलाई बांदर नै ठान्दा यस्तो घटना भएको प्रहरीले जनाएको छ । घटनापछि गुप्तबहादुर विछिप्त बन्न पुगेको बुझिएको छ ।

प्रतिक्रिया
सम्बन्धित खवर

वालिङ । स्याङ्जामा एक वर्षको अवधिमा चार सय ६१ सम्बन्ध विच्छेदका मुद्दा दर्ता भएका छन् । स्याङ्जा जिल्ला अदालतमा आर्थिक

म्याग्दी । म्याग्दी र यस वरपरका क्षेत्रमा नौमती बाजा बजाएर असारे भाकामा बाउसे र रोपाहारले दोहोरी गाउँदै धान रोपाइँ गर्ने

काठमाडौँ । देशभर मनसुनी वायुको प्रभाव छ । जसका कारण देशभर हल्कादेखि भारी बर्षाको सम्भावना रहेको मौसमविदले बताएका छन् जल तथा

तुलसीपुर । कक्षामा वरिपरि नातिनातिना उमेरका सहपाठी छन् । उनीहरुकै बीचमा पाका व्यक्ति पनि ध्यान दिएर पढिरहेका हुन्छन् । कपाल