अध्यादेशबारे एमाओवादीभित्रै विवाद

१० भाद्र २०६९, आईतवार ०७:०७ मा प्रकाशित

काठमाडौं, १० भदौ । प्रधानमन्त्री डा. बाबुराम भट्टराई नेतृत्वको कामचलाउ सरकारले आफूखुशी अध्यादेश लैजान लागेपछि सत्तारुढ दल एमाओवादीभित्रै विवाद सुरु भएको छ । अध्यक्ष पुष्पकमल दाहाल पक्षधरहरुले दलहरुको सहमतिविना अध्यादेशको प्रस्ताव लैजान नहुने भनी प्रतिवाद गरेपछि एमाओवादीभित्रको विवाद बाहिर आएको हो ।
बिनासहमति अध्यादेश लैजाने सरकारको तयारीप्रति अध्यक्ष दाहाल पक्षधरहरु असन्तुष्ट बनेका छन् । सहमतिबेगर अध्यादेश लैजान लागेपछि अध्यक्ष दाहालसमेत सरकारको विपक्षमा उभिएका छन् । एमाओवादीका प्रवक्त अग्नि सापकोटाले शनिबार पार्टीको ओपचारिक अडान सार्वजनिक गर्दै पार्टीको असहमति प्रस्ट्याउनसभयो । ‘पार्टीको औपचारिक निर्णय राजनीतिक सहमतिबाट मात्र अध्यादेश लैजाने भन्ने हो, सहमतिविना अध्यादेश लैजान हुंदैन’, पार्टी कार्यालय पेरिसडांडामा सञ्चारकर्मीहरुसंग प्रवक्ता सापकोटाले बताए । हिजो नै प्रधानन्त्रीका राजनीतिक सल्लाहकार देवेन्द्र पौडेलले सरकार पुनः अध्यादेश ल्याउने तयारीमा रहेको भन्दै राष्ट्रपतिबाट अस्वीकार भए सडक आन्दोलन समेत गरिने बताउनुभएको थियो । ‘संसद नभएको बेला अध्यादेश ल्याउनु संवैधानिक बाटो हो, त्यसलाई अस्वीकार गरिए राष्ट्रपतिविरुद्ध नै उत्रिन्छौ’, सल्लाहकार पौडेलको भनाई छ ।
उहांको उक्त अभिव्यक्तिलगत्तै प्रवक्ता अग्नि सापकोटाको सहमतिबेगर अध्यादेश नलैजाने पार्टीको आधिकारिक धारणा रहेको स्पष्टोक्ति आएको हो । प्रवक्ता सापकोटा र सल्लाहकार पौडेलको एकैदिन आएको यस्तो विपरितार्थक अभिव्यक्तिले अध्यक्ष प्रचण्ड र प्रधानमन्त्री बाबुराम भ«राईनेतृत्वको सरकारबीच फाटो बढ्न थालेको सन्देश दिएको छ ।

प्रतिक्रिया
सम्बन्धित खवर

काठमाडौँ । पहिरोका कारण सिद्धार्थ राजमार्ग र तानसेन-तम्घास सडक अवरुद्ध भएको छ । सिद्धार्थ राजमार्गका धेरै ठाउँमा पहिरो खसेको र

नवलपरासी । नवलपुर (नवलपरासी पूर्व) को मध्यविन्दु नगरपालिका-१० मा पर्ने तीन वटा खहरेखोलाको डाइभर्सन बाढीले बगाएपछि पूर्व-पश्चिम राजमार्ग अवरुद्ध भएको

बागलुङ । निरन्तरको वर्षाका कारण बागलुङका दुई ठूला राजमार्ग अवरुद्ध भएका छन् । राष्ट्रिय गौरवको आयोजनाका रूपमा रहेको मध्यपहाडी पुष्पलाल

चितवन । विकास गतिमा तीव्ररुपमा अघि बढिरहेको भरतपुर महानगरपालिकामा योजना लिएर गएपछि रित्तो हात फर्किनु पर्दैन । महानगरभित्रका वडाध्यक्षहरू योजना

आजको प्रमुख समाचार