पोखरा उमनपाका कर्मचारी आन्दोलित

८ भाद्र २०६९, शुक्रबार १०:५४ मा प्रकाशित

पोखरा, ८ भदौ । क्षेत्रिय अन्तर्राष्ट्रिय बिमानस्थल निर्माणको मुद्दामा आन्दोलित पोखरा थप आन्दोलित बन्न पुगेको छ । पोखरा उपमहानगरपालिकाका कर्मचारी आन्दोलनमा उत्रिएका कारण उपमहानगरपालिकाको काम ठप्प भएको छ । पोखरा उपमाहानगरापालिकामा रहेको एमाओवादी निकटको नेपाल राष्ट्रिय कर्मचारी संगठन, कांग्रेसनिकटको स्थानीय निकाय कर्मचारी युनियन, नेपाल र एमालेनिकटको स्थानीय निकाय कर्मचारी संघ एकैचोटी आन्दोलनमा उत्रिएका कारण उपमहानगरपालिका नै ठप्प बन्न पुगेको हो ।
नगरापालिकामा डेढ महिनादेखि कार्यकारी अधिकृत नभएका, स्थानिय विकास मन्त्रालयले भाद्र ५ गतेसम्म कार्यकारीको ब्यबस्था गर्ने भनिए पनि हालसम्म नगरेको र कर्तब्यष्ठि कर्मचारी वडा नं ११ का सचिव भिमदेव शर्मालाई कार्यालय समयमै प्रहरीले सोधपुछको लागि नियन्त्रणमा लिइएको तर हालसम्म पनि रिहाई नगरेकोले आन्दोलनमा उत्रनु परेको संगठनका अध्यक्षहरुले एक संयुक्त विज्ञप्ती प्रकाशित गरेर जनाएका छन् ।
बिहीबार र शुक्रबारका लागि दुई दिन नगरापालिकाको काम ठप्प पार्ने गरि आन्दोलनमा उत्रिएका कर्मचारीले आइतबारदेखि आन्दोलनका नयाँ कार्यक्रम तय गर्ने समेत बताएका छन् ।

प्रतिक्रिया
सम्बन्धित खवर

काठमाडौं । नेकपा (माओवादी केन्द्र) काठमाडौं उपत्यकाको तीन जिल्लामा रहेका स्थानीय तहको नेतृत्वमा शून्य हुने देखिएको छ । उपत्यकाको काठमाडौं,

धनगढी । नागरिक उन्मुक्ति पार्टीले कैलालीका दुई पालिकामा जित हासिल गरेको छ । ०७२ मा टीकापुरमा भएको घटनाको आरोपमा जेलजीवन

काठमाडौं । नेपाली कांग्रेसका महामन्त्री विश्‍वप्रकाश शर्माले स्थानीय तह निर्वाचनको परिणाम ‘उत्साहजनक’ आएको बताएका छन् । परिणाम उत्साहजनक आउनुलाई उनले

बुटवल । स्थानीय तह निर्वाचनमा लुम्बिनी प्रदेशका ७१ वटा स्थानीय तहको नतिजा सार्वजनिक भएको छ । लुम्बिनीका १०९ पालिका मध्ये ७१

आजको प्रमुख समाचार