सीमामा कडा गर्ने भारतीय तयारी

७ भाद्र २०६९, बिहीबार ०९:४५ मा प्रकाशित

काठमाडौं, ७ भदौ । दक्षिण सिमानामा भारतले झण्डै ९० वटा सीमाचौकी स्थापना गर्ने तयारी गरेको बुझिएको छ । सीमामा हुन सक्ने अवैध घुसपैठ अझ प्रभावकारी ढंगले रोक्न सीमा चौकीहरूको संख्या बढाउन लागिएको भारतीय माथिल्लो सदन राज्यसभामा रक्षामन्त्री एके एन्टोनीले बुधबार यसबारे जानकारी दिएको भारतीय संचारमाध्यमहरुले जनाएका छन् ।
भारत सरकारले सीमा चौकीहरूबीच हाल रहेको ४ दशमलव ५ किलोमिटर दूरीलाई ३ दशमलव ४७ किलोमिटरमा झार्नेअनुरूप थप चौकी स्थापनाको योजना ल्याएको बुझिएको छ । नेपाललगायत पाकिस्तान, बंगलादेश र भुटानसँगको सिमानामा पनि त्यस्ता चौकीहरूको संख्या थप्ने योजना रहेको रक्षामन्त्री एन्टोनीले लिखित जवाफमा उल्लेख गरेका बताइएको छ । पाकिस्तानसँगको सिमानामा थप १ सय २६, बंगलादेशसँगको सीमामा थप ३ सय ८३ र भुटानसँगको सिमानामा थप ६३ चौकीहरू निर्माण गरिने छन् ।

राज्यसभामा भारतीय रक्षामन्त्रीले दिएको विवरणले भारतसँग सिमाना जोडिएका मुलुकहरूमध्ये सबैभन्दा कम घुसपैठ भुटान र नेपालबाट हुने गरेको देखाएको छ । सन् २०११ मा बंगलादेशबाट अवैध घुसपैठ गर्न खोज्ने ५ सय ८६ र नेपाली सिमानाबाट घुसपैठ गर्न खोज्ने ७ जनालाई भारतीय सुरक्षा निकायले पक्राउ गरेको थियो ।

प्रतिक्रिया
सम्बन्धित खवर

काठमाडौँ।सरकारले स्यानिटरी प्याडमा कुनै पनि कर वृद्धि नगरेको स्पष्ट पारेको छ । महिनावारी हुँदा महिलाले प्रयोग गर्ने स्यानिटरी प्याडमा मूल्यवृद्धि

काठमाडौँ । नेकपा एमालेको केन्द्रीय कमिटीको बैठक आजबाट सुरु हुँदैछ। ललितपुरको च्यासलस्थित तुलसीलाल प्रतिष्ठानमा विहान ११ बजे बैठक बस्ने तय

काठमाडौं । नेपाली कांग्रेसले हिमाली जिल्लाको अधिवेशन दशैँअघि नै गर्ने निर्णय गरेको छ। बिहीबार कांग्रेस पदाधिकारी र निर्वाचन समितिको छलफलबाट

चितवन । इच्छाकामना गाउँपालिका–५ नाग्दीखोलास्थित पृथ्वी राजमार्गमा काठमाडौँबाट पोखरातर्फ जाँदै गरेको कार त्रिशूली नदीमा खस्दा तीन जना बेपत्ता भएका छन्