सिटीइभिटीको भ्रष्टाचारमाथि छानबिन सुरु

५ भाद्र २०६९, मंगलवार १०:२१ मा प्रकाशित

काठमाडौ, ५ भदौ । प्राविधिक शिक्षा तथा व्यावसायिक तालिम परिषद् (सीटीईभीटी) को लब्धांक पत्रमा भएको लापरबाहीबारे राष्ट्रिय सतर्कता केन्द्रले छानबिन थालेको छ । छानबिनका लागि केन्द्रबाट अनुरोधसहित फाइल आएको केन्द्रका उपसचिव शेरबहादुर ढुंगानाले जनाएका छन् । राष्ट्रिय योजना आयोगले सीटीईभीटी बाट जारी भएका त्रुटियुक्त शैक्षिक प्रमाणपत्र छानबिनका लागि केन्द्रमा पठाएको थियो । राष्ट्रिय विकास स्वयंसेवक सेवा (एनडीभीएस) ले विभिन्न विषय र क्षेत्रका उमेदवारको दरखास्त आह्वान गरेपछि परेको आवेदनमा पेस भएका शैक्षिक प्रमाणपत्र छानबिनमा परेका थिए भने सीटीईभीटी र मातहतका शिक्षालयबाट विभिन्न मितिमा जारी भएका प्रमाणपत्रमा सात प्रकारका गल्ती र लापरबाही भएको भेटिएपछि एनडीभीएसले कारबाहीका लागि फाइल तालुक अड्डा राष्ट्रिय योजना आयोगमा पठाएको थियो । सीटीईभीटीले आफ्ना सबै गल्ती स्वीकारेको छ ।
बारम्बार अनियमितता र घोटालाका कारण बदनाम भएको सीटीईभीटीमा पछिल्लोपटक मिलेमतोमा प्रश्नपत्र सार्वजनिक र शैक्षिक प्रमाणपत्रमा मनोमानी अंक दिएको भेटिएको हो । अध्ययनका क्रममा कतिपय प्रमाणपत्रमा मिलेमतोमा अंक तलमाथि गरिएको हुन सक्ने आशंका छ । योजना आयोगका अनुसार सीटीईभीटी का अधिकांश शैक्षिक प्रमाणपत्रमा मिति र प्राप्तांक प्रतिशतमा लेखेको, कुल प्राप्तांक र प्रतिशत फरक परेको, प्रतिशत र श्रेणी फरक परेको लगायतको समस्या भेटिएको थियो ।

प्रतिक्रिया
सम्बन्धित खवर

काठमाडौँ । पहिरोका कारण सिद्धार्थ राजमार्ग र तानसेन-तम्घास सडक अवरुद्ध भएको छ । सिद्धार्थ राजमार्गका धेरै ठाउँमा पहिरो खसेको र

नवलपरासी । नवलपुर (नवलपरासी पूर्व) को मध्यविन्दु नगरपालिका-१० मा पर्ने तीन वटा खहरेखोलाको डाइभर्सन बाढीले बगाएपछि पूर्व-पश्चिम राजमार्ग अवरुद्ध भएको

बागलुङ । निरन्तरको वर्षाका कारण बागलुङका दुई ठूला राजमार्ग अवरुद्ध भएका छन् । राष्ट्रिय गौरवको आयोजनाका रूपमा रहेको मध्यपहाडी पुष्पलाल

चितवन । विकास गतिमा तीव्ररुपमा अघि बढिरहेको भरतपुर महानगरपालिकामा योजना लिएर गएपछि रित्तो हात फर्किनु पर्दैन । महानगरभित्रका वडाध्यक्षहरू योजना

आजको प्रमुख समाचार