यो वर्ष विद्युतको हाहाकार हुने सङ्केत

३ भाद्र २०६९, आईतवार ०९:५९ मा प्रकाशित

काठमाडौं, ३ भदौ । नेपाल विद्युत प्राधिकरणले अघोषित रुपमै लोडसेडिङको समय बढाएको छ । भारतबाट आउने बिजुली आधा कटौती भएको भन्दै लोडसेडिङको नयां तालिका ल्याउने तयारीमा प्राधिकरण रहेको बुझिएको छ । पूर्वाञ्चल भारतबाट ल्याएर मेची र कोसी अञ्चलमा विद्युत आपूर्ति हुंदै आएकोमा यतिबेला आधा कटौती भएको बताइन्छ । प्राधिकरणका अनुसार ६५ मेगावाट बिजुली भारतबाट आयात भइरहेकोमा अहिले ३० मेगावाटमा सीमित भएकाले लोडसेडिङ तालिका प्रभावित भएको छ ।
गत वर्ष यो समयमा दैनिक दुई घन्टामात्र लोडसेडिङ थियो तर यसपटक बिहान र बेलुकी गरी पांच घन्टाबाट घटेको छैन । अब लोडसेडिङको समय यसभन्दा नघट्ने बरु गत वर्षको भन्दा माग बढेकोले लोडसेडिङ क्रमशः बढ्दै जाने संकेत प्राधिकरणले गरेको हो । कलकारखाना स्थापना नभए पनि घरायसी प्रयोगकै लागि हरेक वर्ष एक सय मेगावाटका दरले बिजुलीको माग बढ्ने तर उत्पादन क्षमता भने गएको एक वर्षमा सात मेगावाट मात्र थपिएको छ । यसपाली कुलेखानीको जलाशय पनि नभरिएकोले समसया चर्किने अवस्था देखापरेको प्राधिकरण श्रोतको कथन छ । अहिले नै वैकल्पिक उपायहरु अवलम्वनको तयारी नगरे यो वर्ष विद्युतको हाहाकार हुने स्रोतले जनायो ।
तथापि, प्राधिकरणले यो वर्ष लोडसेडिङलाई बढीमा १६ घन्टामा सिमीत गर्नेगरी उपायको खोजी गरिरहेको दाबी पनि गरिएको छ । दुहबी र हेटौंडामा रहेका मल्टिफ्युल प्लान्टहरु सञ्चालन गर्ने, भारतबाट अहिलेभन्दा बढी बिजुली ल्याउन पूर्वाधार निर्माण गर्ने, उद्योगीहरुसंग भएको जेनेरेटरबाट उत्पादन भएको बिजुली किन्ने लगायतका उपायहरु खोजी भइरहेको बताइन्छ । तर, सरकार समयमै आयोजनाहरु सम्पन्न गर्ने भन्दा पनि विभिन्न विवादमा तानिंदै आएकोले लक्षित उद्देश्य पूर्ति हुनेमा भने सम्बन्धित विज्ञहरुले आशंका गरेका छन् ।

प्रतिक्रिया
सम्बन्धित खवर

काठमाडौं । नेपाली कांग्रेसका महामन्त्री विश्‍वप्रकाश शर्माले स्थानीय तह निर्वाचनको परिणाम ‘उत्साहजनक’ आएको बताएका छन् । परिणाम उत्साहजनक आउनुलाई उनले

बुटवल । स्थानीय तह निर्वाचनमा लुम्बिनी प्रदेशका ७१ वटा स्थानीय तहको नतिजा सार्वजनिक भएको छ । लुम्बिनीका १०९ पालिका मध्ये ७१

लमजुङ । लमजुङको क्व्होलासोंथार गाउँपालिकामा नेकपा एमालेले ‘क्लिन स्वीप’ गरेको छ । एमालेका उपमहासचिव एवं गण्डकी प्रदेशका संस्थापक मुख्यमन्त्री पृथ्वीसुब्बा

काठमाडौं । प्रतिबन्धमा परेका अखिल नेपाल फुटबल संघ (एन्फा) का पूर्वअध्यक्ष गणेश थापालाई विश्व फुटबलको सर्वोच्च निकाय फिफाले फुटबलसम्बन्धी कुनै