सहाना अब ‘कलिउड’ हिरोइन

२ चैत्र २०६८, बिहीबार ०८:५२ मा प्रकाशित

भिजे तथा मोडल सहाना बज्राचार्य अब र्‍याम्प र काँचको पर्दामा मात्र सीमित हुने छैनन् । यी गर्जियस लेडीलाई अब सिल्भर स्क्रिनमा रोमान्स गरिरहेको देख्न पाइनेछ । त्यो पनि हिरोइन पात्रको भूमिकामा । अपकमिङ प्रोजेक्ट ‘कलिउड’बाट मिस नेपाल फस्ट रनरअपले लिड एक्ट्रेसको रुपमा सिनेमा डेब्यु गर्दैछिन् । नेपाली सिनेमालाई बोलाइने नाम ‘कलिउड’मा भिजे तथा अभिनेता नवराज आचार्य फस्ट टाइम डिरेक्टर हुनेछन् ।

 

‘नेपाली अभिनेत्रीहरूको संघर्ष र उतारचढावबारे सिनेमा केन्द्रित हुनेछ’ आचार्यले भने, ‘तर, कुनै व्यक्तिविशेषको कथा र बायोपिक चाहिँ होइन ।’ बलिउडको ‘डर्टि पिक्चर’, दिवंगत अभिनेत्री श्रीशा कार्की र अभिनेत्री मनिषा कोइरालाको जीवनीबाट सिनेमा प्रभावित नहुने उनले दावी गरे । सहानाको अपोजिट को–एक्टरको चाहिँ खोजी भैरहेको छ । आचार्य र प्रदीप बाँस्तोला मिलेर कथा लेखेका हुन् । ४५ लाखको बजेटमा बन्ने सिनेमाका निर्माता गैरआवसिय नेपाली कुमार खड्का हुन् ।

 

नेपाली सिनेमाका कतिपय प्रोड्युसर र डिरेक्टरले नेपाली हिरोइनमाथि सिनेमा बनाउने घोषणा गरिरहँदा आचार्यले यस्तो घोषणा गरेका हुन् । उनले टेलिफिल्म ‘घरभेटी बा’ निर्देशन गर्दै आइरहेका छन् । मोडल टन्र्ज एक्ट्रेस सहाना पछिल्लो समय म्युजिक भिडियो, टेलिभिजन सो होस्टिङ र छोटा चलचित्र निर्माणमा व्यस्त छिन् । सहाना हिरोइन बन्ने गाइगुइँ अघिदेखि चलेको हो तर, ‘कलिउड’ले उनलाई हिरोइनको रुपमा पाएको छ ।

प्रतिक्रिया
सम्बन्धित खवर

काठमाडौँ । अमेरिकाको ओहायो राज्य निवासी गीतकार तथा संगीतकार प्रेम रामदामले आफ्नो बिल्कुलै नयाँ म्युजिक भिडियो ‘चोली तिम्रो’ सार्वजनिक गरेका

काठमाडौं । मिस युनिवर्स प्रतियोगिताको ६९औं संस्करणमा नेपालको प्रतिनिधित्व गर्दै अंशिका शर्मा अमेरिका प्रस्थान गरेकी छिन् । मिस युनिवर्स प्रतियोगिताको

काठमाडौं । वरिष्ठ हाँस्य कलाकार मदनकृष्ण श्रेष्ठ पुनः अस्पताल भर्ना भएका छन् । ८ दिनसम्म अस्पतालमा उपचार गराएपछि हाँस्य कलाकार

काठमाडौं । गायिका एलिना चौहानको ‘हावामा फैलियो मधुरो गीत’ बोलको गीत सार्वजनिक भएको छ । प्रगति देवकोटाको शब्द तथा सञ्जीव