जिप्रकाबाटै ५२ थान एमआरपी राहदानी हरायो

१ भाद्र २०६९, शुक्रबार १३:१४ मा प्रकाशित

धादिङ, १ भदौ । जिल्ला प्रशासन कार्यालय धादिङबाट ५२ थान राहदानी हराएको छ । मेसिन रिडेबल राहदानीको प्रयोग सुरु भएपछि स्टोरमा थन्काएर राखिएको राहदानीमध्ये ५२ थान स्टोरभित्रैबाट हराएको प्रमुख जिल्ला अधिकारी बेदप्रसाद खरेलले आज बताएका हुन् ।
जिल्ला प्रशासन कार्यालयको अभिलेख अनुसार कार्यालयको स्टोरको दराजभित्र राखिएका ४८२९३०१ देखि ४८२९३५० सम्मका ५० थान र ४८२९५३४ र ४८२९५३५ नं का दुई थान गरी ५२ थान राहदानी हराएको हो ।
राहदानी हराउनुमा कर्मचारीकै लापरवाही रहेको जिल्ला प्रशासन कार्यालयले ठहर गरेको छ । गएको साउन २७ गते नयाँ भवनमा कार्यालय सार्ने क्रममा पुराना सामानहरु जाँच गर्दा राहदानी हराएको पुष्टि भएको हो । तर राहदानी कहिले र कसरी हराएको हो भन्ने बारेमा भने केहि खुल्न सकेको छैन ।
राहदानी हराएको पुष्टि भएपछि सहायक प्रमुख जिल्ला अधिकारी विजय पौडेलको संयोजकत्वमा गठिन छानबीन समितिले कर्मचारीकै कारण राहदानी हराएको निष्कर्ष सहितको प्रतिवेदन प्रमुख जिल्ला अधिकारीलाई बुझाईसकेको छ ।
हराएको राहदानीको विवरण सहितको पत्र गृह मन्त्रालय, क्षेत्रीय प्रशासन कार्यालय र अध्यागमन विभागमा पठाइएको र दुरुपयोग हुनसक्ने तर्फ सचेतता अपनाईएको जिल्ला प्रशासन कार्यालयले जनाएको छ । राहदानीको जिम्मा लिएका बद्रि थापाले नयां भवनमा कार्यालय सरेपछि स्टोरको एउटा चाबी नै फिर्ता नगरेको लिखित जानकारी आएपछि कार्यालयले थापालाई निगरानीमा राखेर अनुसन्धान शुरु गरेको छ ।
तत्कालीन स्टोरकिपर थापालाई निगरानीमा राखिएपनि कार्यालयवाट राहदानी कहिले र कसरी हराएको हो भन्ने बारेमा भने केहि खुल्न सकेको छैन ।

प्रतिक्रिया
सम्बन्धित खवर

काठमाडौ ।नेपाली कांग्रेसको १४औं महाधिवेशनअन्तर्गत अहिले विभिन्न जिल्लामा पालिका तहको अधिवेशन जारी छ । शनिबारदेखि ५४ जिल्लामा पालिका तहको अधिवेशन

काठमाडौं । जसपा नेता डा. बाबुराम भट्टराईले पाँच ‘स’को सपना देखेर एकीकृत माओवादी त्यागेको ६  वर्ष पूरा भएको छ । संविधान

काठमाडौं । यदि संसद् सचिवालयमा कार्यरत एक महिलासँग अन्तरंग सम्बन्ध जोडिएको घटना सार्वजनिक नभएको कृष्णबहादुर महराले अहिले माओवादी केन्द्रमा ठूलै

काठमाडौं ।सत्तारुढ गठबन्धनको बैठकमा मन्त्रिपरिषद् विस्तारका लागि नयाँ मन्त्री नियुक्त गर्नुअघि राजनीतिक दलसम्बन्धी अध्यादेशबारे निर्णय गर्नुपर्ने सहमति भएको छ ।