राष्ट्रपति र सत्तारुढ गठवन्धनबीच भेटवार्ता, गठबन्धनप्रति शंका नगर्न दाहालको आग्रह

३२ श्रावण २०६९, बिहीबार २१:३१ मा प्रकाशित

काठमाडौं, ३२ साउन । ‘संघीय लोकतान्त्रिक गणतान्त्रिक गठबन्धनको उद्देश्यबारे बिहिबार साँझ गठबन्धनका संयोजक एमाओवादी अध्यक्ष पुष्पकमल दाहालले राष्ट्रपति डा. रामवरण यादवलाई जानकारी गराएका छन्  ।
भेटमा मोर्चा गठन कसरी र किन गरियो भन्नेबारे राष्ट्रपतिलाई एमाओवादीका अध्यक्ष समेत रहेको मोर्चाका अध्यक्ष पुष्पकमल दाहालले जानकारी दिएका हुन्  ।
राष्ट्रपति संगको भेटमा दाहालले राष्ट्रपतिलाई मोर्चा गठबन्धनप्रति शंका नगर्न आग्रह गरेका थिए । बाहिर जे जस्ता टिपप्णीहरु आए पनि राजनीतिक सहमतिका लागि गठबन्धन बनेको स्पष्ट जानकारी गरायौ’ भेटमा सहभागी तमलोपा अध्यक्ष महेन्द्रप्रसाद यादवले भने, यसको उद्देश्य संविधानसभा निर्वाचन वा संविधान पुनःस्थापनाका लागि सहमति जुटाउनु हो ।’
गठबन्धनका संयोजक दाहालले राजनीतिक सहमतिमा जोड दिंदै त्यसको प्रयास गर्न गठबन्धन बनाएको बताएका थिए । उनले गठबन्धनप्रति शंका गर्न नहुने भन्दै सकरात्मक रुपमा लिनुपर्ने बताएका थिए । भेटपछि राष्ट्रपति कार्यालयले जारी गरेको विज्ञप्तिमा दाहालले देशको वर्तमान राजनीतिक तथा समसामयिक विषयमा राष्ट्रपति समक्ष गठबन्धनको दृष्टिकोण राखेको उल्लेख छ ।
प्रधानमन्त्री बाबुराम भट्टराई समेत उपस्थिति भेटमा राष्ट्रपतिले राजनीतिक सहमति छिटो निकाल्न आग्रह गरेका थिए । ‘सहमतिका लागि ढिला भइसकेको छु राष्ट्रपतिको भनाइ थियो, दलहरुले सहमति छिटो निकास निकाल्नुपर्छ ।’
राजनीतिक गतिरोधको समाधानका लागि भन्दै विघटित संविधानसभामा प्रतिनिधित्व गर्ने बीस राजनीतिक दलहरुको मोर्चा गठन भएको हो । राजनीतिक समस्या समाधानको लागि नेतृत्वदायी भूमिका निर्वाह गर्ने दाबी गरिएको सो मोर्चाले आवश्यक परे जनपरिचालन गर्ने समेत जनाएको छ ।

प्रतिक्रिया
सम्बन्धित खवर

काठमाडौं । सत्तारुढ पाँच दलीय गठबन्धनले नागरिक अगुवाबाट दुई जनालाई मन्त्री बनाउँने सहमति गरेका छन् । प्रतिगमन विरुद्वका आन्दोलनमा सक्रिय

काठमाडौं – नेपाली कांग्रेसको १४औं महाधिवेशनअन्तर्गत पालिकास्तरीय निर्वाचनमा नवलपरासीमा महामन्त्री डा.शशांक कोइराला र नेता देवेन्द्रराज कँडेलको वर्चश्व देखिएको छ ।

काठमाडौँ । नेकपा माओवादी केन्द्रका नेता वर्षमान पुन ‘अनन्त’लाई उपचारका लागि थाइल्याण्ड लगिने तयारी भएको छ । लामो समयदेखि जण्डिस

काठमाडौं । नेकपा माओवादी केन्द्रका स्थायी समिति सदस्य एवं संगठन विभाग प्रमुख जनार्दन शर्माले नेपाली विशेषताको समाजवादमा पूर्ण समानुपातिक निर्वाचन