समुद्रमा डुबेर नेपाली बाबुछोराकै मृत्यु

३१ श्रावण २०६९, बुधबार ०७:४७ मा प्रकाशित

हङकङ, ३१ साउन । सात वर्षदेखि हङकङ बस्दै आएका लमजुङ नाल्माका ३६ वर्षीय चन्द्र गुरुङ र उनका ६ वर्षका छोरा विवेकको आइतबार हङकङको चुनमुनमा समुन्द्रमा डुबेर मृत्यु भएको छ । आइडी लिएर हङकङस्थित युनलुङमा बस्दैआएका नेपाली बाबु(छोराकै ज्यान गएको हङकङस्थित लमजुङ समाजका सत्य घलेले जानकारी दिए ।
घलेका अनुसार चुनमुन बटरफ्लाई तटमा खेलिरहेका छोरा समुन्द्रमा हराएपछि आत्तिएर उद्दार गर्न गएका बाबु पनि डुबेको अनुमान गरिएको छ। लाइफ गार्डले दिएको जानकारीको आधारमा प्रहरीले आइतबार साँझ नै समुन्द्रमा तैरिएको चन्द्रको मृत शरीर बाहिर निकालेको थियो। ुप्रहरी सहितले रातभरी खोजी गर्दा पनि छोरो फेला पार्न सकिएन, सोमबार मात्र मृत शरीर निकाल्यौँु घलेले भने, ुत्यो पौडी खेल्ने ठाउँ नै भएकाले लाइफ गार्डले किन हेरेनन् भन्ने प्रश्न उठेको छ, तर प्रहरीको रिपोर्ट नआई केही भन्न सकिन्न।ु
हङकङको आइएसएस कम्पनीमा आवद्ध भएर सुरक्षा गार्डमा कार्यरत चन्द्र श्रीमतीलाई घरमै छाडेर आफ्नै कम्पनीका साथीहरूले आयोजना गरेको बिबिक्यू पार्टीमा छोरा सहित चुनमुन समुद्री तट पुगेका थिए। पौडी खेल्न नजान्ने भएकाले छोरालाई उद्दार गर्न गएका बाबु पनि डुबेको हुनसक्ने घलेले बताए।

प्रतिक्रिया
सम्बन्धित खवर

काठमाडौं । नेपालको परराष्ट्रमन्त्रीमा डा नारायण खड्का नियुक्त हुनुभएकामा भारतका बाह्य मामिलामन्त्री एस जयशङ्करले उनीप्रति बधाई ज्ञापन गरेका छन् ।

काठमाडौँ । दिवङ्गत पितृका नाममा प्रत्येक वर्ष आश्विन कृष्ण पक्षमा गरिने सोह्र श्राद्धका लागि आवश्यक पर्ने अपराह्नकालको समय निर्धारण गरिएको

काठमाडौं। सत्तारुढ गठबन्धनको बैठकले परराष्ट्रमन्त्रीमा डा. नारायण खड्कालाई नियुक्त गर्ने सहमति भएको छ । मंगलबार साँझ प्रधानमन्त्री निवास बालुवाटारमा बसेको

म्याग्दी।सोह्रश्राद्ध सुरू भएसँगै हिन्दु र बौद्ध धर्मावलम्बीहरूको साझा तीर्थस्थल मुस्ताङको कागबेनीमा पितृलाई तर्पण र पिण्डदानसहित श्राद्ध गर्न भक्तजनहरू पुग्न थालेका