लण्डन ओलम्पिकमा २७ वर्ष पुरानो किर्तिमान भंग

२७ श्रावण २०६९, शनिबार १६:३२ मा प्रकाशित

काठमाडौं, २७ साउन । अमेरिकाले महिला ४ गुणा १ सय मिटर रिले दौडमा २७ वर्ष पुरानो किर्तिमान भंग गरेको छ । चालु लण्डन ओलम्पिकमा अमेरिकी महिला टोलीले सन् १९८५ मा पूर्वी जर्मनीले बनाएको ४१ दशमलव ३७ सेकेन्डको रेकर्ड तोडेर ४० दशमलव ८२ सेकेन्डको नयाँ रेकर्ड राख्दै स्वर्ण पदक हात पारेको हो ।
यस्तै एथ्लेटिक्समा ह्याम्मर थ्रो तर्फ रुसकी तात्याना लिसेन्कोले ७८ दशमलव १८ मिटरको नयाँ ओलम्पिक रेकर्ड कायम गर्दै स्वर्ण पदक जितेकी छन् । महिला हकीको उपाधी नेदरल्याण्डस्ले जितेको छ । तेश्रो पल्ट हकीमा ओलम्पिक स्वर्ण हात पार्ने क्रममा नेदरल्याण्डस्ले अर्जेन्टिनालाई २ शुन्यले हरायो ।
ओलम्पिक पदक तालिकामा अमेरिकाले चीनसंगको दूरी बढाएको छ । ४१ स्वर्ण, २६ रजत र २७ कास्य सहित ९४ पदकका साथ अमेरिका शीर्ष स्थानमा छ भने दोश्रो स्थानमा रहेको चीनको ३७ स्वर्ण, २५ रजत र १९ कास्य सहित ८१ पदक छ । यस्तै २५ स्वर्ण, १५ रजत र १७ कास्य सहित आयोजक बेलायत तेश्रो स्थानमा छ । एजेन्सीको सहयोगमा

प्रतिक्रिया
सम्बन्धित खवर

काठमाडौं । प्रतिबन्धमा परेका अखिल नेपाल फुटबल संघ (एन्फा) का पूर्वअध्यक्ष गणेश थापालाई विश्व फुटबलको सर्वोच्च निकाय फिफाले फुटबलसम्बन्धी कुनै

काठमाडौं । कोलकाता नाइट राइडर्सलाई २ रनले हराउँदै लखनउ सुपर जाइन्ट्स इन्डियन प्रिमियर लिग (आईपीएल) २०२२ टी-२० क्रिकेट प्रतियोगिताको प्लेअफमा

काठमाडौं । १-० ले पछि परेको स्थितिमा साउथह्याम्पटनविरुद्द २-१ को जित निकाल्दै लिभरपुल इंग्लिस प्रिमियर लिगको उपाधि होडमा पुनः फर्किएको छ

काठमाडौं । इन्डियन प्रिमियर लिग (आईपीएल) २०२२ टी-ट्वान्टी क्रिकेट प्रतियोगितामा सनराईजर्स हैदरावादले मुम्बई इण्डियन्समाथि ३ रनको जित निकालेको छ ।