मलेसियामा सहकर्मीबाट नेपाली युवाको हत्या

२७ श्रावण २०६९, शनिबार ०७:३१ मा प्रकाशित

क्वालालम्पुर मलेसिया, २७ साउन । धरमपुर ४ झापा घर भर्इ मलेसियाको मलक्कास्थित अलोर गाजाको जुलिस विष्कुट कम्पनीमा कार्यरत बलबहादुर तामाङको आफ्नै सहकर्मीको कुटाइबाट  मृत्यु भएको छ । संगै काम गर्ने अर्का नेपाली सुभोकलाल चौधरीले कुटेपछि गत बिहिबार मृत्यु भएको हो । सोही कम्पनीमा कार्यरत एक नेपालीले आफ्नो नाम सार्वजनिक नगर्ने शर्तमा बताएअनुसार गत सोमबार राती सुतीरहेको बेला तामाङमाथि चौधरीले काठको छडीले कुटपिट गरेपछि गम्भिर घाइते तामाङको अस्पतालमा उपचारका क्रममा बिहीबार मृत्यु भएको हो । करिब तीन बर्षअघिदेखि सो कम्पनीमा कार्यरत तामाङमाथि चौधरीले राती सुतीरहेको मौका छोपी अचानक आक्रमण गरेका थिए ।

“घट्नास्थलमा काठको ठूलो छडीले तामाङलाई कुटीरहेको अवस्थामा चौधरी भेटिएका थिए । हामीलाई देख्नेवित्तीकै उनी त्यहाँबाट भागे । तामाङको टाउको, घाँटी र खुट्टामा गम्भिर चोट लागेको थियो” सोही कम्पनीमा कार्यरत नेपालीले घटनाबारे भने “त्यसपछि तामाङलाई नजिकैको अस्पातालमा पुर्याइयो तर हिजो अबेर मृत्यु भएको खबर आयो ।” हाल घट्नाबारे त्यहाँ कार्यरत नेपालीलाई कम्पनीले फरार रहेका चौधरी पक्रन अफ्ठ्यारो हुनसक्ने भन्दै मिडियामा खबर नगर्न भनेको उनले बताए । “कम्पनी बोसले मिडियामा खबर गरेमा चौधरीलाई पक्राउ गर्न अफठ्यारो हुनसक्छ । अहिले कतै केही नभन्नु भनेको छ” कम्पनी मालिकलाई उध्दृत गर्दै ती नेपालीले भने “बरु पछि पक्राउ परेपछि भनौंला ।”

कुटपिट गर्ने चौधरी भने त्यसैदिनदेखि फरार छन् । फरार चौधरीबारे कम्पनीले सम्पूर्ण विवरण प्रहरीलाई दिई खोजी कार्य भइरहेको बताइएको छ । सिरहाको लहानका चौधरी कामकै शिलशिलामा करिब १० महिनाअघि मात्रै सो कम्पनीमा आएका थिए । कुटपीट पछि मृत्यु भएमा कुट्नेलाई हत्या गरेको बराबर कडा कार्बाही हुनसक्ने बताइन्छ । मृतक तामाङ र उनलाई कुट्ने चौधरीबीच पहिलेदेखि नै रिसीइबी भएरनभएकोबारे केही पनि खुल्न सकेको छैन । मृतक बलबहादुरको परिवारमा दुई छोरी, एक छोरा र श्रीमती रहेको बुझिएको छ ।

प्रतिक्रिया
सम्बन्धित खवर

जिल्लाको दिपायल सिलगढी नगरपालिका–७ तथा पूर्वीचौकी गाउँपालिका–१ को सीमाक्षेत्र बुढोबाँज भन्ने ठाउँमा बेवारिसे अवस्थामा एक महिलाको शव फेला परेको छ

काठमाडौं । चैत्र शुक्ल नवमीका दिन मर्यादा पुरुषोत्तम भगवान् रामचन्द्रको सम्झनामा मनाइने ‘रामनवमी’ पर्व आज देशभरि श्रद्धा र भक्तिपूर्वक पूजा

काठमाडौं- प्रत्येक वर्ष चैत्र शुक्ल अष्टमीका दिन मनाइने चैते दशैँ पर्व आज नेपालीले घर घरमा नवदुर्गा भगवतीको पूजा आराधना गरी

काठमाडौँ । सार्वजनिक यातायातमा सिट क्षमताभन्दा बढी यात्रु राख्न नपाइने भएको छ । सोमबार बिहान बसेको मन्त्रिपरिषद् बैठकले नयाँ भेरियन्ट