नक्कली टिकट प्रकरणमा लामा उदासिन

२६ श्रावण २०६९, शुक्रबार १९:४९ मा प्रकाशित

काठमाडौं, २६ साउन । सात दोबाटोस्थित पौडीपोखरीमा भएको नक्कली टिकट प्रकरण छानबिनका लागि गठित समितिले घटना भएको एक महिना बिते पनि भरखरै मात्र काम सुरु गरेको छ ।
तीन दिनअघि मात्र छानबिन समितिले सातदोबाटोमा गएर घटनाका सम्बन्धित सबैसँग सामान्य सोधपुछ तथा स्थलगत अनुगमन गरेको थियो । त्यसपछि ११ जनालाई पत्र काटी लिखित जवाफ माग गरिएको छ । गत २० असारमा टिकट जाँच गर्ने क्रममा एक सय दरका पाँचवटा नक्कली टिकट भेटिएको थियो । त्यसै विषयमा अन्तर्राष्ट्रिय परिसर प्रमुख केसरी चित्रकार र अधिकृत मधुसूदन बस्नेतलाई नेपाल खेलकुद प्रतिष्ठानमा सरुवा गरिएको छ । त्यस्तै टिकट बिक्री र जाँचमा काम गर्ने केही कर्मचारीलाई पनि अन्य ठाउँमा सरुवा गरिएको छ ।
राष्ट्रिय खेलकुद परिषद् (राखेप) सदस्यसचिव युवराज लामाले राखेप कोषाध्यक्ष इन्द्रबहादुर थिङको संयोजकत्वमा कानुन शाखा प्रमुख नारायण अर्याल र लेखा प्रमुख वासुदेव आचार्य सदस्य रहने गरी तीनसदस्यीय छानबिन समिति गठन गरी प्रतिवेदन बुझाउन सात दिनको समय दिएका थिए ।
छानबिनका सम्बन्धमा स्वयं संयोजक थिङ नै गम्भीर देखिएका छैनन् भने समिति गठन गरेका सदस्यसचिव लामाले पनि त्यसयता चासो दिएका छैनन् । थिङ आफ्नै काममा व्यस्त भएको स्रोत बताउँछ । ‘बिदा धेरै परेकाले काम ढिलो गरी सुरु भएको हो,’संयोजक थिङले भने ।
यता सात दिनको समय दिएका सदस्यसचिव लामा पनि ‘प्रारम्भिक कारबाही भएकै छ, छानबिन त विस्तारै हँुदै जाने कुरा हो नि †’ भन्न थालेका छन् । ‘छानबिन भन्ने कुरा विस्तारै हँुदै जाने कुरा हो, काम गर्दै जाँदा पाँच वर्षसम्म समय लाग्न सक्छ,’ लामाले भने,
‘जो–जो घटनामा संलग्न भएको आशंका गरिएको छ, उहाँहरूलाई प्रारम्भिक कारबाही गरिएकै छ । अब प्रतिवेदन त विस्तारै ल्याए भइगयो नि †’ भष्टाचार र अनियमितताजस्तो गम्भीर विषयमा अत्यन्तै हलुंगो रूपमा प्रस्तुत हँुदै लामाले आफ्ना लागि छानबिनभन्दा पनि खेलकुदको विकास प्रमुख प्राथमिकताको विषय भएको बताए । उनले छानबिन समितिले काम गरिरहेको सम्भावना व्यक्त गर्दै प्रतिवेदन आइसकेपछि मात्र बोल्ने बताए ।

प्रतिक्रिया
सम्बन्धित खवर

जापानको राजधानी टोकियोमा जारी ३२औँ ग्रीष्मकालीन ओलम्पिक खेलकुदमा चीन ४० पदकसहित शीर्ष स्थानमा उक्लेको छ । जापान र अमेरिकालाई उछिन्दै

टोकियो । टोकियो ओलम्पिक–२०२० अन्तरगत आज नेपालकी एथ्लेटिक्स खेलाडी सरस्वती चौधरीको पराजयसँगै ओलम्पिक यात्रा पनि सकिएको छ । एथलेटिक्सको आज

श्रीलंकाले दोस्रो टी-ट्‍वान्टी आइ खेलमा भारतलाई चार विकेटको रोमाञ्चक जीत निकालेको छ । यो जीतसँगै घरेलु टोली श्रीलंकाले तीन टी-ट्‍वान्टी

जारी टोकियो ओलम्पिक २०२० अन्तर्गत नेपाली खेलाडी गौरिका सिंहले आज महिला सय मिटर फ्रि-स्टाइलमा प्रतिस्पर्धा गर्दैछिन् । गौरिका आजको खेलको