चितवन राष्ट्रिय निकुञ्जद्धारा राहत वितरण

२६ श्रावण २०६९, शुक्रबार १५:१२ मा प्रकाशित

चितवन, २६ साउन । चितवन राष्ट्रिय निकुञ्जको प्राकृतिक सिमानाका रुपमा रहेका नारायणी, राप्ती र रिउ खोलाले जमिन कटान गर्दा पीडित भएका किसानलाई चितवन राष्ट्रिय निकुञ्जले राहत वितरण गरेको छ । चितवन र नवलपरासी क्षेत्रको मध्यवर्ति क्षेत्रका ४१ जनालाई राष्ट्रीय निकुञ्ज तथा बन्य जन्तु संरक्षण ऐन २०२९ ले गरेको ब्यवस्था बमोजिम ४० लाख रुपैयाँ राहत रकम वितरण गरिएको चितवन निकुञ्जका सहायक संरक्षण अधिकृत टिकाराम पौडेलले बताए ।
राष्ट्रिय निकुञ्ज तथा बन्यजन्तु संरक्षण विभागका महानिर्देशक कृष्णप्रसाद आचार्य र मध्यवर्ति क्षेत्र ब्यवस्थापन समितिका अध्यक्ष यमबहादुर परियारले राहत रकम बितरण गरेका हुन् ।  पश्चिम चितवनको मेघौली ५ की अन्तरीया देबी थरुनीले सबै भन्दा बढी २ लाख ५० हजार रुपैयाँ राहत पाएका छन् । उनको पाँच कठठा जमिन नारायणी नदिले कटान गरेको छ ।
राष्ट्रिय निकुञ्ज ऐन, २०२९ मा निकुञ्जको मध्यवर्ति क्षेत्रको कुनै पनि बासिन्दाको घर जग्गा बाढी पहिरोका कारण राष्ट्रिय निकुञ्जको प्राकृतिक सिमानामा पर्न गई स्थानीय बासिन्दाको घरबास उजाड भएमा एन बमोजिम गठित उपभोक्ता समितिको सिफारिसमा सम्बन्धित निकुञ्जले सामुदायिक विकास कोषको रकमबाट निज ब्यक्तिलाई मुनासिब क्षतिपुर्ति दिने ब्यवस्था छ ।
चितवन राष्ट्रिय निकुञ्जका प्राकृतिक सिमानाका रुपमा रहेका नारायणी, राप्ती र रिउ खोलाले सयौ बिगाहा जमिन कटान गरि निकुञ्जको प्राकृतिक सिमाना भित्र पारेपनि निकुञ्जका लागि बिनियोजन हुने रकम न्युन भएकाले थोरै पीडितलाई मात्र राहत रकम उपलब्ध गराईदै आएको छ ।

प्रतिक्रिया
सम्बन्धित खवर

काठमाडौँ । प्रधानमन्त्री शेरबहादुर देउवाले सरकारले धान चामलको उत्पादन र उत्पादकत्व वृद्धि गर्दै यसको आयात प्रतिस्थापन गर्ने रणनीति लिएको बताएका

काठमाडौँ । प्रत्येक वर्ष असार १५ गते मनाइने धान दिवसका अवसरमा आज खेतमा काम गरी दहीच्युरा खाएर मनाइँदै छ ।

काठमाडौं । देशभर लगातार वर्षा भइरहेको छ । जल तथा मौसम विज्ञान विभागका अनुसार पहाडी र तराई क्षेत्र केन्द्रित वर्षा

नेपाल र भारतबीच महाकाली एकीकृत विकास सन्धि भएको २६ वर्षपछि नेपालले पानी पाएको छ। सन् १९९६ मा नेपाल र भारतबीच

आजको प्रमुख समाचार