आजदेखि सार्वजनिक यातायात बन्द

२६ श्रावण २०६९, शुक्रबार ०६:४५ मा प्रकाशित

काठमाडौं, २६ साउन । यातायात व्यावसायी र सरकारबीचको वार्ता असफल भएको छ । बिहिबार राती साढे दश बजेसम्म भएको वार्ता विफल भएपछि यातायात व्यवसायीले आजदेखि सार्वजनिक यातायात पूर्ण रुपमा ठप्प पार्ने अडान कायम राखेका छन् ।
बिहिबारको बैठकमा भौतिक योजना, निर्माण तथा यातायात व्यवस्थामन्त्री हृदयश त्रिपाठीसंग नेपाल यातायात व्यावसायी राष्ट्रिय महासंघबीच सांझ ८ बजेदेखि वार्ता सुरु भएको थियो । वार्तापछि महासंघका महासचिव डोलनाथ खनालले सरकारले आफूहरुको मागलाई सम्बोधन गर्न नचाहेको आरोप लगाए । वार्ता सरकारकै कारण असफल भएकोले आन्दोलन जारी रहने उनले बताए । आज शुक्रबार दिउंसो २ बजे पुनः वार्ता हुने पनि उनले जानकारी दिए ।
ट्राफिक प्रहरीलाई प्रत्यायोजन गरिएका थप अधिकार खारेज गर्नुपर्ने, ट्राफिक जरिवानामा सरकारबाट दिएको कमिसन रकमसम्बन्धी निर्णय खारेज गर्नुपर्ने लगायतका माग राखी सार्वजनिक यातायात ठप्प पार्ने आन्दोलनको घोषणा व्यवसायीले गरेका हुन् । सवारी साधन ग्यारेजमा थन्क्याएर व्यवसायी र मजदूरहरु माग पूरा गराउन दबावस्वरुप सडक आन्दोलनमा उत्रने चेतावनी उनीहरुको छ ।

प्रतिक्रिया
सम्बन्धित खवर

काठमाडौं । जनता समाजवादी पार्टी (जसपा) का अध्यक्ष उपेन्द्र यादवले आफ्नो नेतृत्वमा सरकारमा सहभागी नहुने बताएका छन् । यसअघि उपप्रधानमन्त्रीसहित

काठमाडौँ – साताको पहिलो र दोस्रो दिन उच्च अंकले घटेको शेयर कारोबार मापक नेप्से परिसूचक मंगलबार पनि घटेको छ ।

काठमाडौँ । यती एअरलाइन्सको भगिनी संस्था तारा एयरले आगामी असोज २३ देखि पोखरा–जोमसोम उडानलाई नियमित गर्ने भएको छ । विश्वका

काठमाडौं । सत्तारुढ पाँच दलीय गठबन्धनले नागरिक अगुवाबाट दुई जनालाई मन्त्री बनाउँने सहमति गरेका छन् । प्रतिगमन विरुद्वका आन्दोलनमा सक्रिय