नक्कली नोटका कारोबारी सार्वजनिक

२३ श्रावण २०६९, मंगलवार २०:०५ मा प्रकाशित

काठमाडौँ, २३ साउन । ठूलो परिमाणमा भारतीय नक्कली नोटको कारोबारमा संलग्न दुई पाकिस्तानी र एक नेपाली नागरिकलाई नेपाल प्रहरीले आज सार्वजनिक गरेको छ ।

महानगरीय प्रहरी परिसर हनुमानढोकाले आज पत्रकार सम्मेलन गरी भारतीय नक्कली नोट २९ लाख ५० हजारसहित हिजो साँझ पक्राउ परेका तीन जनालाई सार्वजनिक गरेको हो ।सार्वजनिक गरिएका नक्कली नोट कारोबारमा संलग्न हुनेहरूमा पाकिस्तानी नागरिकद्वय सोहेल मोहम्मद स्माइल, मोहम्मद नइ मुल्लाह र बारा प्रभुरामपुर–८ निवासी रहमत बसिर धोबी छन् ।
काठमाडौँ उपत्यकाभित्र केही व्यक्तिले अवैधरुपमा भारतीय नक्कली नोटको कारोबार, प्रयोग एवम् ओसारपसार गर्दै आएको भन्ने सूचना प्राप्त भएको र सो सूचनाअनुसार खटिएको प्रहरीको विशेष टोलीले काठमाडौँको नयाँसडकस्थित क्लासिक होटलबाट नक्कली नोटसहित उनीहरूलाई पक्राउ गरिएको थियो ।
पक्राउ परेका पाकिस्तानीद्वय हिजै पाकिस्तानी एयरलाइन्सद्वारा काठमाडौँ आएका थिए । प्रहरीले धोबीको साथबाट आठ लाख ५० हजार, स्माइलको साथबाट १० लाख ५० हजार र मुल्लाहको साथबाट १० लाख ५० हजार भारतीय नक्कली नोट बरामद गरेको थियो । बरामद गरिएका नोटहरू एक हजार र ५०० दरका रहेका छन् ।

प्रतिक्रिया
सम्बन्धित खवर

सर्लाही । सर्लाहीको ब्रह्मपुरी गाउँपालिका–३ भेल्हीस्थित निजी पोखरीमा डुबेर मृत्यु भएको अवस्थामा नौ दिनको शिशुसहित तीन जनाको शव फेला परेको

काठमाडौं । सिन्धुलीगढीमा नेपाली सेनाले शुरु गरेको युद्ध सङ्ग्रहालयको निर्माण सम्पन्न भएको छ । युद्ध सङ्ग्रहालयको आज राष्ट्रपति विद्यादेवी भण्डारीले

काठमाडौं । चितवनमा दैनिक पाँच हजार रुपैयाँ दिएर यौन धन्दामा लगाइएका १० जनाको उद्धार गरिएको छ । प्रहरीका अनुसार चितवनको

काठमाडौं । पूर्वसभामुख कृष्णबहादुर महराले उच्च अदालतबाट पनि सफाइ पाएका छन् । जवर्जस्ती करणी उद्योग मुद्दामा अदालतले सफाइ दिएको हो