सिफारिसका लागि आठ हजार

२३ श्रावण २०६९, मंगलवार १९:४७ मा प्रकाशित

कालीकोट, २३ साउन । युवा तथा साना स्वरोजगार कोषको थोक कर्जा लिनका लागि आह्वान गरेको सूचनाअनुसार कालीकोटका सहकारी संस्थाहरुलाई कालीकोट उद्योग वाणिज्य सङ्घले सिफारिसका लागि मोटो रकम लिन थालेको छ ।
सदस्यहरुको मासिक बचतबाट सुरु गरेको स–साना सहकारीहरुलाई सिफारिस माग्दा रु आठ हजार ५०० शुल्क तिर्नु परेपछि समस्यामा परेका हुन् । कालीकोट उद्योग वाणिज्य सङ्घको आज बसेको बैठकले सिफारिसका लागि सो रकम लिने निर्णय गरेको हो ।
सङ्घका अध्यक्ष सूर्यबहादुर शाहीले उद्योग वाणिज्य सङ्घको कार्यालय स्थापनाका लागि उक्त दस्तुर लिनुपरेको बताउँदै यसबाट करोडौँको कारोबार गर्ने संस्थाहरुलाई त्यति ठूलो समस्या नआउने बताउनुभयो ।    सङ्घका वरिष्ठ उपाध्यक्ष भानुभक्त बरालले सिफारिसका लागि रु ३०० लिने निर्णय यसअघि भएको बताउनुभयो । अल्पमत सङ्ख्या भएकाले सो निर्णय लागू नहुने उहाँको दाबी छ ।
जिल्ला सहकारी सङ्घ कालीकोटका कोषाध्यक्ष कालीबहादुर महताराले सहकारी संस्थाको ढाड सेकिने गरी सिफारिस दस्तुर लिएको भन्दै आपत्ति जनाउनुभयो ।
सहकारी संस्थाहरुले युवा तथा साना स्वरोजगार कोषको कर्जा पाउने आशमा सिफारिस माग्न जाँदा सहकारीविरुद्ध निर्णय भएको बताएका छन् । कालीकोटमा साना व्यवसाय गर्दै आएका १०० सहकारी संस्था छन् ।

प्रतिक्रिया
सम्बन्धित खवर

सर्लाही । सर्लाहीको ब्रह्मपुरी गाउँपालिका–३ भेल्हीस्थित निजी पोखरीमा डुबेर मृत्यु भएको अवस्थामा नौ दिनको शिशुसहित तीन जनाको शव फेला परेको

काठमाडौं । सिन्धुलीगढीमा नेपाली सेनाले शुरु गरेको युद्ध सङ्ग्रहालयको निर्माण सम्पन्न भएको छ । युद्ध सङ्ग्रहालयको आज राष्ट्रपति विद्यादेवी भण्डारीले

काठमाडौं । चितवनमा दैनिक पाँच हजार रुपैयाँ दिएर यौन धन्दामा लगाइएका १० जनाको उद्धार गरिएको छ । प्रहरीका अनुसार चितवनको

काठमाडौं । पूर्वसभामुख कृष्णबहादुर महराले उच्च अदालतबाट पनि सफाइ पाएका छन् । जवर्जस्ती करणी उद्योग मुद्दामा अदालतले सफाइ दिएको हो