बाग्लुङमा युनिटीको ३ करोडको सम्पत्ति, तिर्नुपर्ने साढे ६ करोड

२३ श्रावण २०६९, मंगलवार ०७:२७ मा प्रकाशित

बाग्लुङ, २३ साउन । नेटवर्किङ व्यवसायबाट सर्वसाधारणबाट अर्बौं रुपैयां संकलन गरेका युनिटीका अध्यक्ष काशीप्रसाद गुरुङ पक्राउ परेपछि युनिटी मुद्दा किनारा लाग्ला र आफ्नो फसेको रकम फिर्ता पाइएला भन्ने आशा यहांका युनिटी सदस्यलाई पलाउन थालेको छ । युनिटी व्यवसायका मुख्य योजनाकार फरार भएको हुंदा मुद्दाको किनारा लगाउन समस्या परेको थियो ।
बाग्लुङमा युनिटीको करिब ३ करोड सम्पत्ति भएपनि अवैध भएको घोषणा भएपछि युनिटी सदस्यहरुले नै बागलुङमा सञ्चालित अस्पतालमा ताला लगाएर प्रशासनलाई चाबी बुझाएका थिए । बागलुङमा युनिटीका करिब १० हजार सदस्य रहेको बताइन्छ । यहांका युनिटी सदस्यहरुले उक्त सम्पत्ति बेचेर भए पनि आफूहरुले पाउनु पर्ने रकम माग गर्दै आएका छन् । जिल्ला प्रहरी बागलुङले सवारी वकिलको कार्यालयमार्फत् बागलुङका करिब ५ हजार ९ सय जनालाई ठगी गरेको भन्दै ६ करोड ५४ लाख रुपैयां क्षतिपूर्ति माग गर्दै आदालतमा मुद्दा दायर गरेको थियो । प्रहरीले ५५ जनालाई सरकारी वकिल कार्यालयमार्फत् सरकारवादी ठगी मुद्दा चलाएको थियो । प्रहरीले मुज्ञा चलाएका मध्ये केही धरौटीमा रिहा भए भने कतिपय अझै फरार छन् ।
युनिटीले बागलुङमा १५ सैयाको अस्पताल सञ्चालन गर्दै आएको थियो । गैरकानूनी भएको भनेपछि सदस्यहरुले अस्पतालमा चाबी लगाएक थिए । उक्त अस्पतालका लागि बागलुङ– स्थित कृष्णबहादुर श्रेष्ठ र सीता श्रेष्ठको नाममा रहेको करिब २७ आना जग्गा कम्पनीले अस्पताललाई खरिद गरेको थियो । युनिटीको अहिले बागलुङमा करिब १ करो ४० लाखमा किनेको दुई भवनसहित करिब २८ आना जग्गा रहेको छ । ३० लाखको लागतमा बन्न लागेको अर्को एक भवनको आधा काम सकिएको पनि युनिटीमा ताला लागेपछि अलपत्र छ । यी सबै सम्पत्ति बेचबिखन गरेर पीडितहरुलाई रकम उपलब्ध गराउनु पर्ने सरोकारवालाहरुको माग रहेका छ ।

प्रतिक्रिया
सम्बन्धित खवर

काठमाडौं । नेपाली कांग्रेसले हिमाली जिल्लाको अधिवेशन दशैँअघि नै गर्ने निर्णय गरेको छ। बिहीबार कांग्रेस पदाधिकारी र निर्वाचन समितिको छलफलबाट

चितवन । इच्छाकामना गाउँपालिका–५ नाग्दीखोलास्थित पृथ्वी राजमार्गमा काठमाडौँबाट पोखरातर्फ जाँदै गरेको कार त्रिशूली नदीमा खस्दा तीन जना बेपत्ता भएका छन्

काठमाडौं । पराष्ट्रमन्त्री डा नारायण खड्का संयुक्त राष्ट्रसङ्घको ७६औँ महासभामा भाग लिन नेपाली प्रतिनिधिमण्डलको नेतृत्व गर्दै न्युयोर्क पुगेका छन् ।

काठमाडौं । राष्ट्रपति विद्यादेवि भण्डारीले विनियोजन विधेयक प्रमाणिकरण गरेकी छन् । संघीय संसदको दुबै सदनबाट पारित भएको विधेयक राष्ट्रपति भण्डारीले