गुरुद्वारमा बन्दुकधारीले गोली चलाउंदा सातको ज्यान गयो

२२ श्रावण २०६९, सोमबार ०९:३७ मा प्रकाशित

काठमाडौं, साउन २२ । अमेरिकाको विस्कान्सीन राज्यको वक क्रिक शहरस्थित एक गुरुद्वारमा गोली हानाहान हुंदा सातजनाको ज्यान गएको छ । एजेन्सीहरुले जनाएअनुसार चारजनालाई गुरुद्वार भित्रै र तीनजनालाई बाहिर पार्किंगमा मृत अवस्थामा भेटिएको थियो । मारिएकामध्य गोली हान्ने व्यक्तिसमेत रहेको र उक्त व्यक्ति प्रहरी कारबाहीमा मारिएको हुनसक्ने बताइएको छ ।
स्थानीय समयअनुसार आइतबार बिहान १० बजेतिर भएको उक्त घटनामा एक प्रहरीसहित तीन दर्जनजति घाइते भएका छन् । घटना भएको गुरुद्वाका अध्यक्षसहितका घाइतेहरुलाई अस्पताल लगिएको छ भने गुरुद्वारलाई नियन्त्रणमा लिएर प्रहरीले अनुसन्धान सुरु गरेको बताइन्छ ।
आइतबार बिहान गुरुद्वारमा मानिसको बाक्लो उपस्थिति हुनेवित्तिकै गोली चलेको प्रत्यक्षदर्शीहरुलाई उद्धृत गर्दै उजेन्सीहरुले उल्लेख गरेका छन् । त्यहां भारतबाट गएका कुनै नेताले भाषण दिने कार्यक्रमसमेत रहेको बताइएको छ । आक्रमण सनियोजित रहेको अनुभूति आफूलाई भएको एक घाइतेले बताए ।
सन् १९८० मा निर्मित उक्त गुरुद्वारमा आइतबारका दिन सयौं मानिस भेला हुने गरेका थिए । दुई साताअघि मात्र पनि अमेरिकाको कोलोराडोस्थित एक सिनेमा घरमा पनि यस्तै आक्रमण भएको थियो ।

प्रतिक्रिया
सम्बन्धित खवर

बेइजिङ । कोरोना भाइरसको उद्गमस्थल चीनमा पछिल्लो समयमा नयाँ सङ्क्रमितहरु भेटिने क्रम बढेको बताइएको छ । चीनमा आइतबार कोरोना भाइरसका

सिड्नी । अष्ट्रेलियाको संघीय राजधानी सिड्नीमा संकटकाल घोषणा गरिएको छ । कोरोनाभाइरसको महामारी बढ्दै गएकाले त्यसलाई न्युनिकरण गर्नका लागि शुक्रबार

भारतको मुम्बईमा बाढीले घर भत्काउँदा कम्तीमा २५ जनाको मृत्यु भएको छ । अत्यधिक बर्षाका कारण आएको ठूलो बाढी मुम्बईका बस्तीहरुमा

न्यूयोर्क । विश्वमा कोरोना भाइरसको संक्रमण फेरि बढ्न थालेको छ । संक्रमण उच्च विन्दुमा पुगेर नियन्त्रणमा आएका भारत, बेलायत, अमेरिका