फोहोरको थुप्रोमा भेटिएका शिशुको गरियो न्वारन

२२ श्रावण २०६९, सोमबार ०८:३५ मा प्रकाशित

जनकपुर, २२ साउन । महिनादिन अघि जनकपुरको स्मशानघाट छेउमा भेटेको नवजात शिशुको अनाथालयमा न्वारन गरिएको छ। जन्मेको केही घण्टामात्र भएको अवस्थामा सालनालसहित नगरको फोहोर फाल्ने ठाउँमा फालिएको उक्त बालिकालाई स्थानीय मदन अघोरीले आफ्नो घरमा लगेर महिना दिनसम्म पाले। अघोरीले शिशुको आवश्यक स्याहार गर्न नसक्ने भएपछि जिल्ला प्रशासन कार्यालयले अनाथालयको जिम्मा लगायो।
आइतबार सदुरु कबीर अनाथ बाल वात्सल्य आश्रममा न्वारन गर्दै उद्योगी बबिता सर्राफले उक्त शिशुको नाम ुअर्पनाु जुराइदिइन्। आश्रममा भित्रिएको छ दिनपछि मैथिली परम्पराअनुसार आयोजित न्वारन समारोहमा मारवाडी महिला मञ्चकी अध्यक्ष सुधादेवी केजरीवाल, उपाध्यक्ष चन्दादेवी अग्रवाल, मारवाडी युवा समाजका अध्यक्ष गौरव अग्रवाल, जानकी फाइनान्सका अध्यक्ष गंगाप्रसाद साह, बालरोग विशेषज्ञ डा।प्रमोद यादव लगायत समाजसेवी, उद्योगपति, प्राध्यापक र सञ्चारकर्मीको उल्लेख्य उपस्थिति थियो।
सद्गुरु कबीर अनाथ बाल बात्सल्य आश्रममा अर्पना आठौं शिशुको रुपमा भित्रिएकी हुन्। अर्पनाअघि विभिन्न समयमा आश्रममा आएका बालबालिकाहरु क्रमशः देशना, अराधना, साधना, बन्दना, अर्चना, चिराग र सम्भावना हुन्। तीमध्ये चिराग बालक छन् भने बाँकी सबै बालिका। गर्भमा समय नपुग्दै जन्मेकी अर्चनाको तीन महिना अघि पखाला लागेर मृत्यु भएको छ। बाँकी बालबालिका स्वस्थ रहेको आश्रमकी माता मिराले बताइन्।

आश्रममा विभिन्न माध्यमले आइपुगेका आठ जना बालबालिका मध्ये छ जना वर्ष दिन भित्रै आएका छन्। अर्पना आश्रममा आएको छ दिन भयो। सम्भावनाको तीन हप्ता अगाडी आश्रममै न्वारन गरिएको थियो। यस्तै सात महिना अघि चिराग, आठ महिना अघि अर्चना र नौ महिना अघि बन्दना आश्रममा भित्रिएका हुन्। दुई वर्ष अगाडि अराधना र तीन वर्ष अगाडी देशना आएकी थिइन्।

आश्रमको यो तथ्यांक अनुसार नवजात शिशु बेवारिस फाल्ने क्रम दिनानुदिन बढ्दो छ। एउटा जिल्लामा वर्ष दिनमै आधा दर्जन जिउँदै शिशु फोहोर र झाँडीमा फालिएको खबर समाजिक विकृतिको पराकाष्ठालाई छर्लङ्ग पारेको छ। आश्रमका संस्थापक तथा व्यवस्थापक सत्यनारायण आलोक भन्छन्, ुआश्रममा आइसकेका बालबालिकाको उचित स्याहार गर्न सहयोगी हातहरुलाई आहवान गर्छु तर, आफैले जन्माएको शिशु झाँडीमा फाल्ने सामाजिक विकृति रोक्नसमेत सरोकारवालालाई अग्रसर हुन मेरो आग्रह छ।ु

प्रतिक्रिया
सम्बन्धित खवर

काठमाडौँ । पहिरोका कारण सिद्धार्थ राजमार्ग र तानसेन-तम्घास सडक अवरुद्ध भएको छ । सिद्धार्थ राजमार्गका धेरै ठाउँमा पहिरो खसेको र

नवलपरासी । नवलपुर (नवलपरासी पूर्व) को मध्यविन्दु नगरपालिका-१० मा पर्ने तीन वटा खहरेखोलाको डाइभर्सन बाढीले बगाएपछि पूर्व-पश्चिम राजमार्ग अवरुद्ध भएको

बागलुङ । निरन्तरको वर्षाका कारण बागलुङका दुई ठूला राजमार्ग अवरुद्ध भएका छन् । राष्ट्रिय गौरवको आयोजनाका रूपमा रहेको मध्यपहाडी पुष्पलाल

चितवन । विकास गतिमा तीव्ररुपमा अघि बढिरहेको भरतपुर महानगरपालिकामा योजना लिएर गएपछि रित्तो हात फर्किनु पर्दैन । महानगरभित्रका वडाध्यक्षहरू योजना

आजको प्रमुख समाचार