गाउँपालिका अध्यक्षले शिक्षक कुटेपछि विद्यालय बन्द, अध्यक्ष भन्छन्, ‘जागिर नै खाईदिन्छु’

६ असार २०७६, शुक्रबार १०:३७ मा प्रकाशित

निरोज कुमार थापा, रामेछाप, ६ असार । रामेछापको लिखु तामाकोशी गाउँपालिकाका अध्यक्ष गोविन्द खड्काले एक विद्यालयका प्रधानाध्यापकलाई कुटेपछि गाउँपालिका भित्रका २६ वटा विद्यालय बन्द भएका छन् । सार्वजनिक कार्यक्रममा प्रअलाई कुटेको भन्दै गाउँपालिका भित्रका विद्यालयमा पठनपाठन बन्द भएको हो ।

अरुणदय माविका प्र.अ. सन्तोष पौडेलमाथि गाउँपालिकाका अध्यक्ष खड्काले हात हालेको भन्दै नेपाल राष्ट्रिय शिक्षक संगठनले
विरोध स्वरुप विद्यालय बन्द गर्ने निर्णय गरेको हो ।

गत बुधबार राष्ट्रपति रनिङशिल्ड प्रतियोगीताको विषयमा छलफल गर्न बोलाईएको बैठकमा अध्यक्ष खड्काले पौडेललाई आक्रमण गरेका थिए । नेपाल राष्ट्रिय शिक्षक संगठनका अध्यक्ष टेक प्रसास घिमिरे र सचिव मणि बहादुर बस्नेतले विज्ञपित नै निकालेर अध्यक्ष खड्काले प्रशंग बाहिरको शिक्षक छनौटको कुरा उठाएर बैठकमा नै आक्रमण गरेको बताइएको छ । हातपात भोग्ने पौडेल नेपाल शिक्षक संगठन रामेछापका कोषाअध्यक्ष हुन् ।

तर गाउँपालिकाका अध्यक्ष खड्काले भने आफूले पौडेलमाथि हातपात नगरेको दाबी गरेका छन् । आफूले हातपात नगरेको दाबी गर्दै उनले भने,‘पौडेलले ममाथि औला ठड्याए, विद्यालय बन्द गर्ने भनेका रहेछन् जसले विद्यालय बन्द गर्छ उसलाई जागिरबाटै हटाईदिन्छु । विद्यालयमा राजनीति गर्ने र मलाई कुट्यो भन्दै हिड्ने सन्तोष पौडेललाई जागिरबाट हटाइदिन्छु ।’

प्रतिक्रिया
सम्बन्धित खवर

काठमाडौं । सरकारले विभिन्न ११ वटा मुलुकमा राजदूत नियुक्तिका लागि ११ जनाको नाम सिफारिस गरेको छ । मन्त्रिपरिषदको यसअघिकै बैठकले

इजराइल र प्यलोस्टाइनको हमास समुहबिचको पछिल्लो भिडन्तमा ज्यान गुमाउनेको संख्या १ सय २६ पुगेको छ । गत सोमवार पश्चिम किनारामा

काठमाडौं । नेपाल कम्युनिस्ट पार्टी (एमाले) अध्यक्ष एवं प्रधानमन्त्री केपी शर्मा ओली २ जेठ २०७५ मा फर्किन सहमत भएका छन्

काठमाडौं । प्रतिसिलिन्डर ४ सय रुपैयाँमा किनेको अक्सिजनलाई कतिसम्ममा बेच्न पाइन्छ ? कालोबजारीसम्बन्धी ऐनले २० प्रतिशतसम्म नाफा लिन छुट दिन्छ।