छात्रबृत्तिको नाममा लाखौ भ्रष्टाचार

२१ श्रावण २०६९, आईतवार १६:१५ मा प्रकाशित

ताप्लेजुङ २१ साउन । ताप्लेजुङको उत्तरी गाउँ ग्याब्लाको ग्याब्ला प्राथमिक बिद्यालयमा जम्मा १२ जना मात्र विद्यार्थी रहेपछि छात्रबृत्तिको रकम भने ५४ जनाको निकासा भएको छ । ग्याब्ला मात्र नभएर पापुङको भीरगाउँ प्राथमिक बिद्यालयमा जम्मा विद्यार्थी १५ जना छन् । यो विद्यालयका नाममा ७९ जनाको छात्रबृत्ति रकम निकासा भएको छ ।
जम्मा ६ हजार मात्र निकासा हुनु पर्नेमा ३१ हजार ६ सय रुपैंया निकासा भएको छ । सरकारले छात्राहरुलाई ४ सय रुपैयाँका दरले छात्रवृत्ति रकम उपलब्ध गराउादै आएको छ । तर यसरी विद्यार्थीलाई दिइने रकम शिक्षा कार्यालय र सम्बन्धित विद्यालयका शिक्षकको मिलेमतोमा अनियमतिता हुने गरेको पाईएको छ ।
२७ जना बिद्यार्थी रहेको नागथान प्राथमिक बिद्यालयमा ८५ जना छात्राको नाममा रकम निकासा भएको छ । जिल्ला शिक्षा कार्यालयका कर्मचारी तथा बिद्यालयका प्रधानाध्यापकको मिलेमतोमा सयौं बिद्यार्थीको नाम किर्ते गरी लाखौं रुपैंया भ्रष्टचार हुने गरेको जिल्ला शिक्षा कार्यालय श्रोतले जनाएको छ ।
जिल्लामा रहेका हरेक बिद्यालयमा फर्जी बिद्यार्थीहरुको नाम लेखाएर छात्रवृत्ति रकममा अनियमितता गर्ने गरेका श्रोतको दावी छ । श्रोतका अनुसार यसमा विद्यालयका प्राधानाध्यापक र शिक्षक तथा जिल्ला शिक्षा कार्यालयका कर्मचारीको प्रत्यक्ष संलग्नता हुने गरेको छ ।

प्रतिक्रिया
सम्बन्धित खवर

काठमाडौँ । सार्वजनिक यातायातमा सिट क्षमताभन्दा बढी यात्रु राख्न नपाइने भएको छ । सोमबार बिहान बसेको मन्त्रिपरिषद् बैठकले नयाँ भेरियन्ट

कोरोना भाइरसको सङ्क्रमणबाट बच्न अनलाइन कक्षा चलाउन सूचना प्रविधि क्षेत्रको पूर्वाधार विकास गरिनुपर्नेमा जोड दिइएको छ । सुशील कोइराला मेमोरियल

काठमाडौं । कुम्भमेलामा भाग लिएर पूर्वराजा ज्ञानेन्द्र वीर विक्रम शाह स्वदेश फर्किएका छन् । १० दिन लामो भारत भ्रमण सकेर

धनकुटा । धनकुटाको महालक्ष्मी नगरपालिकामा करेन्ट लागेर एक जनाको मृत्यु भएको छ । मोवाइल चार्ज गर्ने क्रममा विद्युत लाइनमा हाइभोल्टेज