बाढीको चपेटामा बाँकेका गाउँहरु

२० श्रावण २०६९, शनिबार १६:१८ मा प्रकाशित

नेपालगन्ज, २० साउन । लगातार पारेको वर्षाका कारण अत्याधिक बाढी आउदा बाँकेका गाउहरु डुवानको चपेटामा परेका छन् । बाढीका कारण होलिया र बेतहनीका २ सय २३ परिवारलाई सुरक्षित स्थानमा बस्न लगाईएको प्रहरीले जनाएको छ ।
राप्ती नदिको बाढीमा बगेका दाउरा संकलन गर्न खोज्दा शनिबार बिहान बेतहनी(४ का ३४ बर्षीय भोला खटिकलाई नदिले बगाएको छ । उनको खोजी भइरहेको प्रहरी नायव उपरीक्षक उदय तामाङले बताए ।
भारतीय लक्ष्मणपुर बाँध र कलकलवा तटबन्धका कारण अत्याधिक डुबान भएपछि बाँकेका प्रमुख जिल्ला अधिकारी ढुण्डीराज पोखरेलले सीमावर्ती भारतीय अधिकारीहरुलाई टेलिफोन गरी बाँधको १४ वटै ढोका खोल्न लगाएका छन् । डुबानग्रस्त क्षेत्रमा अहिले रेडक्रसकर्मी, विपद व्यवस्थापन समन्वय समिति र सेनाका टोलीहरु उद्दार सहयोगमा सक्रिय छन् ।
यसैबीच, प्रमुख जिल्ला अधिकारी पोखरेल र सेनाको चार बाहिनीपति अशोक नरसिंह राणासहितको सुरक्षा अधिकारीहरुले डुबानग्रस्त क्षेत्रको हवाई निरीक्षण गरेका छन् । हवाई निरीक्षणबाट फर्केका प्रमुख जिल्ला अधिकारी पोखरेलले बाढी र डुबानले बाँकेका दक्षिणपूर्वी गाउँहरु अस्तव्यस्त भए पनि तत्काल उद्दार  तथा पुनःस्र्थापन गर्नुपर्ने स्थिती नरहेको बताए । मध्यपश्चिमको प्रमुख सहर नेपालगन्ज पनि बर्षाले जलमग्न भएको छ । नगरका न्यूरोड, बेलासपुर, भृकुटीनगर, गणेशपुर, रामबाग, सल्यानीबाग, घरबारीटोल डुबानमा परेको छ ।

प्रतिक्रिया
सम्बन्धित खवर

काठमाडौँ । पहिरोका कारण सिद्धार्थ राजमार्ग र तानसेन-तम्घास सडक अवरुद्ध भएको छ । सिद्धार्थ राजमार्गका धेरै ठाउँमा पहिरो खसेको र

नवलपरासी । नवलपुर (नवलपरासी पूर्व) को मध्यविन्दु नगरपालिका-१० मा पर्ने तीन वटा खहरेखोलाको डाइभर्सन बाढीले बगाएपछि पूर्व-पश्चिम राजमार्ग अवरुद्ध भएको

बागलुङ । निरन्तरको वर्षाका कारण बागलुङका दुई ठूला राजमार्ग अवरुद्ध भएका छन् । राष्ट्रिय गौरवको आयोजनाका रूपमा रहेको मध्यपहाडी पुष्पलाल

चितवन । विकास गतिमा तीव्ररुपमा अघि बढिरहेको भरतपुर महानगरपालिकामा योजना लिएर गएपछि रित्तो हात फर्किनु पर्दैन । महानगरभित्रका वडाध्यक्षहरू योजना

आजको प्रमुख समाचार