सुकुम्वासी पुनर्स्थापना तत्काल गर्न प्रधानमन्त्रीको निर्देशन

काठमाडौ, २० साउन । प्रधानमन्त्री डा. बाबुराम भट्टराईले तत्काल काठमाडौ थापाथलीका सुकुम्बासीलाई  पुनर्स्थापनाका लागि निर्देशन दिएका छन् ।  काठमाडौ उपत्यका विकास प्राधिकरणका आयुक्त केशव स्थापित र सरकारी निकायका प्रमुखलाई यस्तो निर्देशन दिएका हुन् ।
शनिवार बिहान आफ्नै निवासमा केही पत्रकारसँगको कुराकानीमा कुराकानीमा प्रधानमन्त्री भट्टराईले आफूले वास्तविक सुकुम्बासीको पुनर्स्थापना गर्न खोज्दा विपक्षी दलबाट सहयोग नपाएको गुनासो समेत गरे । प्रधानमन्त्री भट्टराईले थापाथलीका सुकुम्बासीको दीर्घकालीन बसाईका लागि सरकारले काठमाडौको ईचगुंनारायणमा व्यवस्थापनको तयारी गरेको पनि जानकारी दिएका थिए ।