पुरा भयो कांग्रेस जिल्ला सचिव भेलाको तयारी

१९ श्रावण २०६९, शुक्रबार १६:४३ मा प्रकाशित

पोखरा, १९ साउन । नेपाली कांग्रेसका जिल्ला सचिवहरुको शनिवारदेखि पोखरामा शुरु हुने राष्ट्रिय प्रशिक्षण तथा भेलाको तयारी पुरा भएको छ । पार्टीको केन्द्रीय नीति तथा प्रशिक्षण प्रतिष्ठानले २२ गतेसम्म तीनदिने प्रशिक्षण तथा भेला आयोजना गरेको हो ।

भेला ब्यवस्थापन समितिले शुक्रवार विहान पोखरामा पत्रकार सम्मेलन गरेर सम्पूर्ण तयारी पूरा भएको जानकारी दिएको छ । नेपाली कांग्रेसको इतिहासमा पहिलोपटक यस्तो प्रशिक्षण हुन लागेको कास्की जिल्ला सभापति यज्ञबहादुर थापाले बताउनुभयो । सचिवहरुलाई कार्यालय ब्यवस्थापन, नेतृत्व विकास र अभिलेखीकरण, सञ्चार प्रविधि, पार्टीको सिद्धान्त तथा नीतिका बारेमा विज्ञ तथा पार्टीकै नेताहरुले प्रशिक्षण दिने समितिका संयोजक कृष्ण केसीले बताउनुभयो ।

यस्तै राष्ट्रिय राजनीतिका जल्दाबल्दा समस्या, पार्टीको भुमिका र आगामी चुनौतीका बारेमा पनि छलफल हुनेछ । भेलाको कांग्रेस सभापति सुशील कोईरालाले उद्घाटन गर्ने कार्यक्रम छ । भेलास्थल पोखरा उद्योग वाणिज्य संघको कार्यालयमा सूचना प्रविधि सम्बन्धी सहायता कक्ष समेत निर्माण गरिएको छ । यसमार्फत सबै जिल्ला समितिको वेभसाईट बनाइने सिन्धुपाल्चोकका सचिव कृष्णप्रसाद न्यौपानेले जानकारी दिनुभयो ।

केन्द्रका नीति निर्देशनहरु समयमै जिल्लामा नपुग्ने समस्या भएपछि जिल्लाका सचिवहरुलाई सूचना प्रविधिका बारेमा दक्ष बनाउन भेला गर्न लागिएको हो । भेलामा ७५ वटै जिल्लाका सभापतिहरु सुहभागी हुनेछन् ।

प्रतिक्रिया
सम्बन्धित खवर

नेपालगन्ज । बाँकेको भेरी अस्पतालमा १९० नमुना परीक्षण गर्दा ५५.७८ प्रतिशतमा कोरोना पोजेटिभ देखिएको छ । पछिल्लो २४ घण्टामा १९०

बैतडी । हतौडा प्रहारबाट बैतडीमा आज एक बालकको हत्या भएको छ । दशरथचन्द नगरपालिका–१ झोकालीका १५ वर्षीय महेश भुलको हत्या

काठमाडौ । सरकारले शहरी क्षेत्रका विद्यालयहरु आगामी वैशाख मसान्तसम्म बन्द गर्न सिफारिस गरेको छ । कोभिड – १९ व्यवस्थापन केन्द्र

काठमाडौँ। प्रधानमन्त्री केपी शर्मा ओलीले कोरोना भाइरस (कोभिड–१९) को समस्या समाधानका लागि सबै दलसँग सहयोगको आग्रह गरेका छन् । प्रधानमन्त्री