‘ट्रम्प र सीबीच आगामी महिना व्यापार विवादबारे विचारविमर्श हुन्छ’

२९ बैशाख २०७६, आईतवार २३:०५ मा प्रकाशित

वासिङ्टन, २९ वैशाख (एएफपी)। अमेरिकी राष्ट्रपति डोनाल्ड ट्रम्प र चिनियाँ राष्ट्रपति सी चिन फिङबीच आगामी महिना हुने भेटमा व्यापार विवादबारे विचारविमर्श हुन अमेरिकी अधिकारीले बताएका छन् ।

“जापानको ओसाका शहरमा आगामी जुन २८ र २९ मा आयोजना हुने जी–ट्वन्टी समूहको शिखर सम्मेलनका अवसरमा दुई शक्तिशाली अर्थतन्त्रका राष्ट्रप्रमुखबीच भेट हुने भएको छ,” ह्वाइटहाउसका आर्थिक सल्लाहकार ल्यारी कुड्लोले आइतबार बताउनुभयो ।

लामो समयदेखि चलिरहेको व्यापारसम्बन्धी पछिल्लो वार्ता गत शुक्रबार सम्पन्न भएको थियो भने थप वार्ता निकट समयमा बेइजिङमा हुने चिनियाँ प्रतिनिधिले बताएका थिए । यद्यपि यसबारे अमेरिकी धारणा भने आइसकेको थिएन । अमेरिकी तथा चिनियाँ प्रतिनिधिबीच भएको दुई दिन लामो वार्तापछि विश्वका शक्तिशाली अर्थतन्त्रबीच कतिपय मुद्दामा सैद्धान्तिक असहमति रहेको तर अधिकांश मुद्दामा समझदारी बनेको चिनियाँ अधिकारीले जनाएका थिए ।

अमेरिका–चीनबीच विगत केही महीनादेखि चलिरहेको व्यापार वार्ताका प्रमुख वार्ताकार तथा चिनियाँ उपप्रधानमन्त्री लिउ हेले वासिङ्टन र बेइजिङबीच प्रमुख तीन असहमति रहेको बताउनुभएको थियो ।

वासिङ्टनमा दुई दिन लामो वार्तापछि वासिङ्टनमा शुक्रबार साँझ गरिएको पत्रकार सम्मेलनमा लिउले वार्ता भङ्ग नभएको तर अमेरिकाले चिनियाँ सामानमाथि थप कर वृद्धि गर्ने घोषणाले दुई देशबीच सामान्य तर फरक मोड निम्त्याएको जनाउँदै दुई देशबीचको वार्ता अपरिहार्य रहेको बताउनुभएको थियो ।”

संयुक्त राज्य अमेरिका र चीनले दुबैतर्फ गरी गत बर्षदेखि करिब ३ खर्ब ६० अर्ब अमेरिकी डलर बराबरको कर वृद्धि गरेका छन् । यसबाट अमेरिकी कृषिजन्य सामानहरूको चीन निर्यात ठूलो पैमानामा घटेको छ भने चीनबाट अमेरिका पुग्ने सामानमा पनि उल्लेख्य कमी आएको छ ।

व्यापार विवादका कारण दुवै देशको विनिर्माण क्षेत्रका सामानमा भएको मूल्य वृद्धिका कारण विश्वका दुई ठूला अर्थतन्त्रका साथै विश्व बजारमा पनि यसको प्रभाव परिरहेको छ ।

वासिङ्टनका आर्थिक सल्लाहाकार कुड्लोले फक्स न्यूजलाई दिएको अन्तवार्तामा व्यापार विवाद समाधानको प्रक्रिया अघि बढिरहेको तर घोषित करवृद्धि पनि लागु हुने बताउनुभयो । उहाँले भन्नुभयो, हामी विवाद समाधान नहुँदासम्म पहल पनि जारी राख्छौँ भने करवृद्धिको नयाँ घोणणाबाट पछि हट्ने कुरा पनि हुँदैन ।

प्रतिक्रिया
सम्बन्धित खवर

आज अक्टोबर २८ । आज विश्व इतिहासमा विभिन्न सामाजिक तथा राजनीतिक घटनाक्रम विकसित भएका थिए । प्रस्तुत छ आज भएका

एजेन्सी । सेनाद्वारा घरमै नजरबन्दमा राखिएका भनिएका सुडानका प्रधानमन्त्री अब्दुल्लाह हामडोक घर फर्किएका छन् । प्रधानमन्त्री हामडोकलाई राजधानी खार्तुमस्थित आफ्नै

रियो दि जेनेरियो । ब्राजिलको संसदीय समितिले राष्ट्रपति जैर बोल्सोनाविरुद्ध अपराधिक मुद्दा लगाउन सुझाव दिएको छ । कोभिड महामारी नियन्त्रणमा

काठमाडौं । औंलामा गन्न सकिने विश्वका सर्वाधिक धनाढ्य व्यक्तिको कुल आम्दानीको केही अंशले भोकमरी समस्या समाधान गर्न सकिने संयुक्त राष्ट्रसंघीय